ඔමික්රෝන් වයිරසය ආසාදිතව හදුනාගත් පුද්ගලයින්ගෙන් තිදෙනාගෙන් එක් අයෙක් විදේශිකයයෙකු වන අතර ඔහු මේ වන විට රටින් පිටව ගොස් ඇතැයි සෞඛ්ය අංශ කල විමර්ෂණවලදී හෙලිව ඇතැයි සදහන් වේ.
අනෙක් ආසාදිතයා මෙරටට පැමිණි පුද්ගලයෙකු වන අතර තුන්වැනියා ඔහුගේ ආශ්රිතයෙකු බව නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් සදහන් කරයි.
මොවුන් සම්බන්ධයෙන් තොරතුරු සොයා බලමින් සිටින බැවින් වැඩිදුරට සදහනක් කළ නොහැකි යැයිද හෙතෙම පැවසීය.
මෙහි එක් ආසාදිතයෙකු දෙසැම්බර් 9 වන දින ශ්රී ලංකාවට පැමිණ නැවත 11 වන දින ඉන්දියාව බලා පිටත්ව යෑමේදී සිදු කල පීසීආර් පරික්ෂණ මගින් ඔමික්රෝන ආසාදිත බව තහවුරු වූ බව සෞඛ්ය වෘත්තීයවේදීන්ගේ විද්වත් සංගමය සදහන් කරයි.
ඔහු මෙරටට පැමිණෙන විටද ආසාදිතව සිටින්නට ඇති බවට සැක කල හැකි යැයිද මෙරටට ඇතුළු වන විදේශීකයන්ගේ පීසීආර් පරික්ෂණ නතර කිරීමට සෞඛ්ය බලධාරීන් ක්රියාකිරීම තුල මෙවැනි අවදානම් තත්ත්වයන්ට රටට මුහුණ දීමට සිදුවීම පුදුමයට කරුණක් නොවන බවද සංගමයේ සභාපති රවී කුමුදේශ් සඳහන් කළේය.
මෙම ආසාදිතයා කොවිෂීල්ඩ් එන්නත් මාත්රා දෙකම ලබා ගත් අයෙකු බවත් ඔහු බම්බලපිටිය ප්රදේශයේ කැසිනෝ අවන්හලක කැසිනෝ ක්රීඩාව සඳහා පැමිණි අයෙකු බවද හෙලිවී ඇතැයි ඔහු පැවසීය.
ඒ අනුව ඔහුගේ ආශ්රිතයින් විශාල සංඛ්යාවක් සිටිය හැකි බවද පෙන්වා දෙන රවී කුමුදේශ් එන්නත්කරණයට ලක් වූ පුද්ගලයින් මෙරටට පැමිණීමේදී පරික්ෂා නොකිරීමට සෞඛ්ය බලධාරීන් ගෙන තිබෙන තීරණ ඉතාමත් අවදානම් බව මෙම සිද්දියේදී හෙලිවන්නේ යැයි සභාපතිවරයා පෙන්වාදේ.
