රටම කම්පා කළ බිහිසුණු ඝාතනයක් වූ සීදුව වෑත්තැවේ ශ්රී නන්දාරාම විහාරධිපති නැදගමුවේ මහානාම හිමියන් ඝාතනය කිරීම සදහා එම නා හිමියන්ගේ එකම ගෝලයා වූ ඒකල සුගතසිරි නැමැති තරුණ චීවරධාරියාව ඩුබායි සිට සඳහා පෙළඹවූ ඔහුගේ 23 හැවිරිදි පෙම්වතිය අද (13) ඩුබායි සිට ලංකාවට පැමිණි අවස්ථාවේ දී කටුනායක ජාත්යාන්තර ගුවන් තොටුපලේ දී අත් අඩංගුවට ගෙන තිබේ.
නැදගමුවේ මහානාම හිමියන් සීදුව කලාපයේ ගුරු උපදේශකවරයෙක් ලෙස රාජකාරි කලේය. ඊට අමතරව උන් වහන්සේ වාහන මිලදී ගෙන විකුණන ව්යාපාරයක් ද පවත්වාගෙන ගොස් තිබුණු අතර එම ව්යාපාරයෙන් උපයා ගත් විශාල මුදලක් ද තිබිණි. වර්ෂ 2022 සැප්තැම්බර් මස 12 වැනිදා එම හිමියන් ඝාතනය කරන්නේ එම හිමියන් අවුරුදු 5 සිට හදා වඩාගෙන හිමියන්ගේ සියලුම වත්කම් අනාගතයේ දී පවරා තිබූ උන්වහන්සේ ගේ ගෝලයා වූ ඒකල සුගතසිරි නැමැති චීවරධාරියා විසිනි. එම ඝාතනය සඳහා ඔහුව පොළඹවා තිබුණ බව හෙළි වන්නේ ඔහුගේ පෙම්වතිය ලෙස සිටි මේ 23 හැවිරිදි කාන්තාවය. අනතුරුව මේ ඝාතනය සඳහා පෙම්වතිය සිය මව්පියන් ද යොදවා තිබේ. අද කටුනායක දී අත් අඩංගුවට පත් වන්නී ඇය ය.
ඝාතනයට සම්බන්ධ පුද්ගලයින් ඇතුළු සියලුම තොරතුරු හෙළි වන්නේ ඝාතනයට සම්බන්ධ චීවරධාරියාවන ඒකල සුගතසිරි නැමැත්තා 2022 සැප්තැම්බර් මස 15 දා අලුයම කටුනායක ගුවන් තොටුපලින් ගුවන්ගත වීමට තිබූ එමිරේට්ස් ගුවන් සමාගමට අයත් EK 949 දරන ගුවන් යානයෙන් ඩුබායි බලා යෑමට පැමිණි අවස්ථාවේ අත් අඩංගුවට පත් වීමෙනි.
මෙම චීවරධාරියාගේ පෙම්වතිය පෙම්වතිය ඩුබායිවල රැකියාවක් කරන්නියකි. ඝාතනයෙන් අනතුරුව තම පෙම්වතිය වෙත යෑමට සැලසුම් කර තිබුණු බවත් ඒ සඳහා අවශ්ය පහසුකම් ඇය සලසා තිබුණු බවත් අනාවරණය වූයේය.
මෙම කාන්තාව සේවය කරමින් සිටියේ ඩුබායි ව්යාපාරයක් කරන බව කියන ශ්රී ලාංකිකයෙක් ලඟය. විහාරාධිපති හිමියන් මරා දේපල අත්පත් කරගැනීමට පෙම්වතියගේ දෙමව්පියන් හරහා චීවරධාරියා උනන්දු කර ඇත්තේ මෙම ලාංකිකයා බව විමර්ශන අංශ හෙළි කරගෙන ඇත.
නන්දාරම විහාරාධිපති හිමියන් සතුව විශාල මුදලක් පවතින බව චීවරධාරියා සිය පෙම්වතියට පැවසීමත්, සිය ගෝලයා ගේ පෙම් සම්බන්ධතාවය විහාරාධිපති හිමියන් විසින් දැනගෙන තිබීමත් ඒ සමගම මෙම චීවරධාරියා සමග විහාරාධිපති හිමියන් නිරන්තර ගැටුමක් පන්සල තුළ ඇති වී තිබීමත් සම්බන්ධයෙන් සීදුව පොලිසියට පැමිණිලි රැසක් ද ලැබී තිබිණි.
චීවරධාරියාගේ පෙම්වතිය සිය ඩුබායි හාමුපුතාට සිය පෙම්වතා ගැනත් ලොකු හාමුදුරුවන්ගේ වත්කම් ගැනත් හෙලි කිරීමෙන් පසු පන්සල කොල්ලකෑම සඳහා පෙම්වතියගේ හාමුපුතා විසින් පිරිසක් එවා ඇතත් සාර්ථක නොවුන තැන පෙම්වතියගේ මව්පියන් මේ කටයුත්තට මැදිහත් වී ඇත.
විහාරාධිපති හිමියන් ඝාතනයට පෙම්වතියගේ මව්පියන් සහ ඔවුන් හා පැමිණි පුද්ගලයින් දෙදෙනෙක් සම්බන්ධ බවත් ඔවුන් හිමියන් ගැටගසා මුදල් ඉල්ලද්දී හිමියන් ගැට ගසා තිබූ බැමි ලිහාගෙන කෑගසාගෙන පහළට පැමිනීමෙන් පසු උන්වහන්සේගේ ගෙල හිර කර ඝාතනය කර ඇත්තේ ඔහුගේ ගෝල චීවරධාරියා බවත් හෙළි විය.
මේ ලිපියත් කියවන්න
ඝාතනය වූ නාහිමියන් මිනීමරු චීවරධාරියාව හදාගෙන ඇත්තේ අවුරුදු 05 ඉඳලා..
