මුලතිව් මුහුදු ප්රදේශයේ සුළු භූමිකම්පාවක් සිදුවී ඇති බව භූ විද්යා සමීක්ෂණ හා පතල් කාර්යාංශය පවසයි. එහි තීව්රතාවය රික්ටර් මාපකයේ 3.5 ක් වූ බව කාර්යාංශය කියයි.
මෙම භූමි කම්පාව රටේ සියලුම භූ කම්පන නිරීක්ෂණ මධ්යස්ථානවලට වාර්තා වී තිබේ. හොරොව්පතාන ඇතුළු ප්රදේශ කිහිපයකට එහි බලපෑම දැනුණු ප්රාදේශීය ප්රවෘත්ති වාර්තා තහවුරු කර ඇත.
මෙම භූමිකම්පාව ගිනිකඳු ක්රියාකාරකම් සහ භූමිකම්පා පිළිබඳ වාර්තා කිරීම සඳහා කැප වූ පුළුල් ගෝලීය වෙබ් අඩවියක් සහ මාධ්ය වේදිකාවක්වන Volcano Discovery හි ගෝලීය භූ කම්පන දර්ශකයේ ද සටහන් වී ඇත.
“ 2026 ජනවාරි 31 වන සෙනසුරාදා පස්වරු 3.49ට ශ්රී ලංකාවේ වෙරළට ආසන්නව බෙංගාල බොක්කෙහි රික්ටර් පරිමාණයේ 3.5 ක සුළු භූමිකම්පාවක් සිදු විය (ආසියාව/කොල්කටා GMT +5:30). භූමිකම්පාවේ ගැඹුර තීරණය කළ නොහැකි නමුත් නොගැඹුරු යැයි උපකල්පනය කෙරේ. භූමිකම්පාව දැනුණේ නැත (නැතහොත් අවම වශයෙන් එසේ වාර්තා වී නොමැත).
“භූමිකම්පාව දැනෙන්නට ඇති ආසන්නතම විශාල නගරය වන්නේ ශ්රී ලංකාවේ ජනගහනය 8,400 ක් සිටින කෙප්පපුලාරු නගරය වන අතර එය කේන්ද්රයේ සිට වයඹ දෙසින් කිලෝමීටර් 29 (සැතපුම් 18) දුරින් පිහිටා ඇත. මිනිසුන්ට එහි දුර්වල සෙලවීමක් අත්විඳීමට ඉඩ ඇත. ශ්රී ලංකාවේ අගනුවර වන කොළඹ පිහිටන්නේ කේන්ද්රයේ සිට කිලෝමීටර් 275 (සැතපුම් 171) දුරිනි. කොලඹට භූ කම්පනය දැනී නැත. “ Volcano Discovery වාර්තා කර තිබේ.
කාලගුණ විද්යා දෙපාර්තමේන්තුව ප්රකාශ කළේ මෙහි ප්රතිඵලයක් ලෙස සුනාමි අවදානමක් නොමැති බවය.
