-
ලෝක සම්භාවනාවට පත් විද්යාඥයෙක් වුන ගෝමික ස්වෙච්ඡාවෙන් මෙම තනතුර භාර ගන්නේ ඇමරිකා එක්සත් ජනපදයේ රාජ්ය සේවයෙන් ඉවත්වෙලා ඇවිත්….
ඇමරිකා එක්සත් ජනපදයේ හූස්ටන් විශ්වවිද්යාලයේ සහ එම් ඩී ඇන්ඩර්සන් පිළිකා පර්යේෂණ ආයතනයේ මහාචාර්ය ගෝමික උඩුගමසූරිය විද්යාව හා තාක්ෂණය සම්බන්ධව ජනාධිපති ජ්යෙෂ්ඨ උපදේශක ලෙස පත් කර තිබේ.
මේ සඳහාවන පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක විසින් අද (22) ජනාධිපති කාර්යාලයේ දී මහචාර්ය ගෝමික උඩුගමසූරිය වෙත පිළිගන්වනු ලැබීය.
කොළඹ ඩී. එස් සේනානායක විද්යාලයේ ආදි සිසුවකු වන ඔහු කොළඹ විශ්වවිද්යාලයේ රසායන විද්යාව පිළිබඳ විශේෂවේදී උපාධිධරයෙකි.
මහාචාර්ය ගෝමික උඩුගමසූරිය ඇමරිකා එක්සත් ජනපදයේ මිචිගන් වේන් ස්ටේට් යුනිවර්සිටි වෙතින් ආචාර්ය උපාධිය ද, ටෙක්සාස් සවුත් වෙස්ටර්න් මෙඩිකල් සෙන්ටර් වෙතින් පශ්චාද් ආචාර්ය උපාධිය ද හිමි කර ගෙන ඇත.
ඔහු පේටන්ට් බලපත්ර රැසකට උරුමකම් කියන අතර ඇමරිකා එක්සත් ජනපදයේ රාජ්ය සේවයෙන් ඉවත්ව ගරු සේවයක් ලෙස විද්යාව හා තාක්ෂණය සම්බන්ධව ජනාධිපති ජ්යෙෂ්ඨ උපදේශ තනතුරට එක් වීම විශේෂත්වයකි.
