තමන් කිසිසේත් අගමැති ධුරයෙන් ඉවත් නොවන බව අගමැතිවරයා මීට සුලු මොහොතකට පෙර ප්රකාශ කර ඇත.
අගමැතිවරයා මේ බව ප්රකාශ කර ඇත්තේ අද (26) අරලියගහ මන්දිරයේ පැවති පාර්ලිමේන්තු පළාත් සභා සහ පළාත් පාලන ආයතනවලට හිටපු සහ සිටින මන්ත්රීවරු මුණගැසුණු අවස්ථාවේ දී ය
මෙහි දී මන්ත්රීවරු සහ අගැමැතිවරයා අතර දීර්ඝ සාකච්ඡාවක් පැවැත්විනි. එහි මූලික තේමාව වූයේ දේශපාලන හා ආර්ථික අර්බුද සහ ඉන් ගොඩඒමට ගත යුතු පියවර සම්බන්ධවය.
මෙම සාකච්ඡාව පැවැත්වීමේ මූලික අභිප්රාය ඉටු කරමින් වත්මන් අර්බුදය හමුවේ ඉල්ලා අස්නොවන ලෙස අගමැති මහින්ද රාජපක්ෂගෙන් මන්ත්රීවරු ඉල්ලා ඇත.
“ ඔබ බය වෙන්න එපා. මා ඉල්ලා අස්වෙන්නෙ නෑ.“ලෙස අගමැතිවරයා එහිදී පිළිතුරු දී තිබේ.
පාර්ලිමේන්තුවේ වැඩි දෙනෙක් තමන් විශ්වාස කරන බැවින් ආණ්ඩුක්රම ව්යවස්ථාවට අනුව තමන් ඉල්ලා අස් නොවී තවදුරටත් තනතුරේ කටයුතු කරගෙන යන බව අගමැතිවරයා අවධාරණය කර ඇත.
මෙයත් කියවන්න…
බහුතරය ගිලිහුණු අගමැතිගේ අන්තිම තුරුම්පුව… ඉන්න ඕන ද?. නැද්ද?… බිම් මට්ටමින් විමසයි!
