“ඕනෑම ආකාරයක ඇමෙරිකානු හමුදා මැදිහත්වීමකට නිසැකවම ආපසු හැරවිය නොහැකි හානියක් සිද්ධ වෙන බවට ඉරානයේ උත්තරීතර නායක අයතුල්ලා අල් කමේනි එරට රාජ්ය රූපවාහිනී ඔස්සේ විකාශය කර තිබේ.
කමේනිගේ ප්රකාශය කමේනි විසින් ම ඉදිරිපත් නොකළ බවත්, ඔහු විසින් කළ බව කී ප්රකාශ වෙනත් ඉදිරිපත් කරන්නෙක් විසින් කියැවූ බවත් බීබීසි ය වාර්තා කළේය.
“ඕනෑම ආකාරයක ඇමෙරිකානු හමුදා මැදිහත්වීමකට නිසැකවම ආපසු හැරවිය නොහැකි හානියක් සිද්ධ වෙනවා… ඉරාන ජාතිකයන් කියන්නේ යටත් වන්නන් නෙමෙයි’
“ඉරානය, එරට ජනතාව සහ එරට ඉතිහාසය දන්නා බුද්ධිමත් අය කිසි විටෙකත් ඉරාන ජාතිකයින්ට තර්ජනාත්මක ස්වරයෙන් කතා කරන්නේ නැහැ, ඒ මොකද ඉරාන ජාතිකයන් යටත් වන අය නොවන නිසා” . කමේනි සිය ප්රකාශයෙන් දක්වා තිබේ.
කමේනි මෙම ප්රකාශ කරන්නේ ට්රම්ප් විසින් ඊයේ සිදුකළ ප්රකෝප කරවන ප්රකාශ කීපයකට පසුය.
, “ඉරාන අහසේ සම්පූර්ණ පාලනය” තමන් සතුයි. ට්රම්ප් ඊයේ කීවේය. අනතුරුව ඔහුගේ Truth Social වේදිකාවේ තවත් සටහනක් තබමින් ඔහු කමේනිට මෙසේ අනතුරු ඇඟවූයේය.'”උත්තරීතර නායකයා’ කියන කෙනා සැඟවිලා ඉන්නේ කොහේ ද කියලා අපි හරියට ම දන්නවා. එයා පහසු ඉලක්කයක්, නමුත් එයා එහි ආරක්ෂිතයි – අපි එයාව එළියට ගන්නේ නැහැ (මරන්නේ!), අඩු ම තරමින් දැනට… [නමුත්] අපේ ඉවසීම අඩු වෙමින් තියෙන්නේ.”
ට්රම්ප්ගේ අවසාන සටහනේ මෙසේ සඳහන් විය.
“කොන්දේසි විරහිතව යටත් වෙන්න!”
ඕනෑම ඇමරිකානු මැදිහත්වීමක් හැරවිය නොහැකි ව්යසනයක් සිදුකරනු ඇති බවට කමේනි පිළිතුරු දෙන්නේ මේ ප්රකාශවලින් අනතුරුවය.
