තමන්ගේ අනියම් ස්වාමිපුරුෂයා විසින් සිය 12 හැවිරිදි දියණිය නිවෙස තුළ දී දූෂණය වන්නට ඉඩ දී සිද්ධිය වසන් කළ කඳාන පොලිසියේ ළමා හා කාන්තා කාර්යාංශ ස්ථානාධිපතිනියට කිසිම විනය ක්රියාමාර්ගයක් ගෙන නැති බවත්, ඇය මේ වනවිටත් ළමා හා කාන්තා කාර්යාංශ ස්ථානාධිපති තනතුරේ රාජකාරි කරමින් සිටින බවත් පොලිසියේ ආරංචි මාර්ග කියයි.
දියණිය අනියම් සැමියාගෙන් දූෂණය වී ඇති බව දියණිය විසින්ම මේ පොලිස් මවට දැනුම් දුන්න ද නීතිය ක්රියාත්මක කරනු වෙනුවට දියණිය මවගේ නිවසට ඇරලවා සිද්ධිය යටපත් කිරීමට ඇය කටයුතු කර තිබිණි.
නමුත් නිර්නාමික දුරකථන ඇමතුමකට අනුව මේ බාල වයස්කාර දියණිය සොයා ගොස් ඇයගෙන් කට උත්තරත් රැගෙන මෙම පොලිස් නිලධාරිණියගේ අනියම් ස්වාමිපුරුෂයා අත්අඩංගුවට ගැනීමට පොලිසිය කටයුතු කර තිබිණි.
අනතුරුව ප්රාදේශීය පොලිස් ප්රධානීන් ඇයව වහාම ක්රියාත්මකවන පරිදි මාරු කර විනය පරීක්ෂණයක් කිරීමට කටයුතු කළේය.
එහෙත් එක්තරා පොලිස් ප්රධානියෙකුගේ මැදිහත්වීමෙන් එම ස්ථාන මාරුවීම වැළකී ගොස් තිබේ.
සිය සුජාත දියණිය අනියම් සැමියාගෙන් දූෂණය වෙන්නට දී නීතිය ක්රියාත්මක නොකළ තැනැත්තියක් දිවයිනනේ ප්රධාන පොලිස් ස්ථානයක ළමා හා කාන්තා කාර්යාංශ ප්රධාන නිලය දරමින් සිටින විට රටේ දරුවන්ට කුමණ සාධාරණයක් ඉටු කරනු ඇති දැයි මේ වනවිට පොලිසිය අභ්යන්තරයෙන්ම ප්රශ්න කෙරෙමින් ඇත.
මේ ප්රවෘත්තිත් බලන්න…
කඳාන පොලිස් ළමා හා කාන්තා කාර්යාංශ ස්ථානාධිපතිනියගේ අනියම් සැමියා අතින් ඇයගේ දියණිය අපයෝජනය වෙලා…
