වසර 17කට පසු හොංකොං සික්සර්ස් ශූරතාවය ශ්රී ලංකා කණ්ඩායම විසින් දිනා ගනු ලැබුවේය. ඒ වසර 07කට පසු එනම් 2017න් පසු හොංකොං සික්සර්ස් ශූරතාවය පැවැත්වූ පළමු අවස්ථාවේදී ය. කුමණ මාදිලියක හෝ අන්තර්ජාතික ක්රිකට් තරගාවලියක දී ශ්රී ලංකා කණ්ඩායම දෙවරක් ශූරතාවය දිනාගත් මුල්ම අවස්ථාව මෙයය.
පැවතුනේ තියුණු තරගාවලියකි. පළමු අවසන් පූර්ව තරගයෙන් පකිස්ථානය විසින් ඔස්ට්රේලියාව පරාජය කළේය. ශ්රී ලංකාව සහ බංගලාදේශය අතර පැවති දෙවැනි අවසන් පූර්ව තරගයෙන් බංගලාදේශය පරදවන්නට ශ්රී ලංකා කණ්ඩායමට හැකි විය. අවසන් මහා තරගයට සුදුසුකම් ලැබුවේ ශ්රී ලංකා කණ්ඩායම සහ පකිස්ථාන කණ්ඩායමය. සඳුන් වීරක්කොඩි, ලහිරු මධුශංක, ලහිරු සමරකෝන්, නිමේෂ් විමුක්ති, ධනංජය ලක්ෂාන් සහ තරිඳු රත්නායක ශ්රී ලංකා කණ්ඩායම නියෝජනය කළහ. කණ්ඩායම මෙහෙයවූයේ ලහිරු මධුසංඛ විසිනි. කඩුලු රකින ක්රීඩකයා ආරම්භක පිතිකාර සඳුන් වීරක්කොඩිය.
කාසියේ වාසිය දිනුවේ ශ්රී ලංකා කණ්ඩායමය. ශ්රී ලංකා කණ්ඩායමේ ඇරයුමින් මුලින්ම පන්දුවට පහර දුන් පකිස්ථානු කණ්ඩායම ශ්රී ලංකා කණ්ඩායමේ අති විශිෂ්ට පන්දු රැකීම සහ පන්දු යැවීම ඉදිරියේ ලකුණු 72කට සීමා වූයේය. ආරම්භක පන්දු යවන්නා වූ ධනංජය ලක්ෂාන් සිය මුල්ම පන්දු ඕවරය නිමා කරන්නේ ලකුණු 07කට පකිස්ථානු කඩුලු 02ක් දවා ගනිමිනි. මෙම තරගාවලියෙ වැඩිම කඩුළු ප්රමාණයක් ලැබුවේ ශ්රි ලංකා කණ්ඩායමේ දඟපන්දු යවන ක්රීඩක තරිඳු රත්නායකය. තරිඳු අවසන් පූර්ව තරගයේ බංගලාදේශයේ කඩුලු 04ක් දවා ගනිමින් මෙම තරගාවලියේ ඉනිමක දි වැඩිම කඩුළු ලබා ගත් ක්රිඩකයා වූයේය. අද අවසන් මහා තරගයේ දී ඔහු කඩුළු 02ක් ලබා ගත්තේය. විශේෂත්වය වන්නේ පකිස්ථානු කණ්ඩායමට අවසන් මහා තරගයේ දී සිය පන්දු ඕවර 6 ක්රීඩා කරගැනීමට නොහැකිවීමය. පකිස්ථානුවෝ පන්දු ඕවර 3.5ක දී සියලු දෙනා දැවී ගියහ.
පිළිතුරු ඉනිම ක්රීඩා කළ ශ්රී ලංකා කණ්ඩායම කඩුළු 03ක් පමණක් දැවී පස්වැනි පන්දුවාරයේ දී ලකුණු 76ක් සහිතව සිය ජයග්රහණය පූර්ණය කළහ. මෙම තරගාවලිය පුරාම විශිෂ්ට පිතිකරණයේ යෙදුන ක්රීඩකයා සඳුන් වීරක්කොඩිය. අර්ධ අවසන් පූර්ව තරගයේ දීත්, අවසන් පූර්ව තරගයේ දීත් අර්ධ ශතක වාර්තා කළ ක්රීඩකයාය. සඳුන් අවසන් මහා තරගයේ දී පන්දු 13කට ලකුණු 34ක් රැස් කළේය. ඒ හතරේ පහර 4ක් සහ හයේ පහරක් සමගිනි.
ලහිරු මධුසංක පන්දු 05ක දී ලකුණු 19ක් රැස් කළේය. තරිඳු රත්නායක පන්දු හතරකදී නොදැවී ලකුණු 16කි.
මීට පෙර ශ්රී ලංකා කණ්ඩායම හොංකොං සික්සර්ස් ශූරතාවය දිනා ගත්තේය. ඒ 2007 අවුරුද්දේය. 1993 හා 2004 අවුරුදුවල අප අනුශූරතාවය දිනා ගත්තේය. අප ක්රිකට් වසන්තයක් අත් විඳිමින් සිටින සුබ ලකුණු පෙනේ. සියලුම මාදිලියේ කණ්ඩායම් සැලකිය යුතු ප්රගතියක් දක්වමිනි. අවශ්ය වන්නේ මේ අඛණ්ඩ දක්ෂතාවය ය. එය යාවත්කාලීන කරගැනීමය.
