සුඩානයේ සිටින ඉන්දියානුවන් මුදා ගැනීමට කාවේරී මෙහෙයුම නමින් මෙහෙයුමක්

සූඩානයේ ඇති යුද්ධය අතරතුර ඇති වී තිබෙන පැය 72ක සටන් විරාමය අතරතුරේදී ‘කාවේරි මෙහෙයුම’ මඟින් අතරමං වූ ඉන්දියානුවන් 250කට අධික සංඛ්‍යාවක් ගැටුම්කාරී සූඩානයෙන් ඉවත් කිරීමට ඉන්දීය ගුවන් හමුදාව කටයුතු කර ඇත.
‘කාවේරි මෙහෙයුම’ යනු සුඩානයෙන් අතරමං වූ ඉන්දියානු පුරවැසියන් ඉවත් කිරීම සඳහා මධ්‍යම රජය විසින් දියත් කරන ලද ගලවා ගැනීමේ මෙහෙයුමකි.
“ඔපරේෂන් කාවේරි අහසට.. C-130J ගුවන් යානා දෙකක් මඟින් 250කට වැඩි ඉන්දීය ජාතිකයින් පිරිසක් සූඩාන වරායෙන් ඉවත් කර ඇත…” යනුවෙන් ගුවන් හමුදාව ට්විටර් පණිවිඩයක් නිකුත් කරමින් සඳහන් කර තිබේ.
මේ වන විට ගුවන් හමුදාව සූඩානයේ එකදු ඉන්දියානුවෙක්වත් ඉතිරි නොවන බව තහවුරු කර ගැනීම සඳහා සිය IAF Garud විශේෂ බලකාය සූඩාන වරායේ රඳවා තිබේ.
IAF Garud විශේෂ බලකායේ නිලධාරියෙකු C-130J විශේෂ මෙහෙයුම් ගුවන් යානයේ කුඩා දරුවෙකු රැගෙන සුඩානයේ වරායේ සිට සෞදි අරාබියේ ජෙඩා වෙත ඉන්දියානු ජාතිකයන් රැගෙන යන අතරතුර දක්නට ලැබුණි.
එතැනින් ද ඉන්දියානුවන් බේරා ගැනීම සඳහා ඉන්දියාව සිය හමුදා ගුවන් යානා සහ යුද නැව් යොදවා ඇත.
මෙයට පෙර බදාදා සුඩානයේ අතරමංව සිටි තවත් ඉන්දියානුවන් 135 දෙනෙකුගෙන් යුත් කණ්ඩායමක් බේරා ගන්නා ලදී.