අන්තර් විශ්වවිද්යාල ශිෂ්ය බලමණ්ඩලයේ කැඳවුම්කරු වසන්ත මුදලිගේ සහ අන්තර් විශ්වවිද්යාල භික්ෂු බලමණ්ඩලයේ ) කැඳවුම්කරු පූජ්ය ගල්වැව සිරිධම්ම හිමියන් 1979 අංක 48 දරන ත්රස්තවාදය වැලැක්වීමේ පනත යටතේ 2022 අගෝස්තු 18 දින සිට දින 90 ක කාලයක් සඳහා අත් අඩංගුවට ගෙන රඳවා තබා ගැනීම සහ අඛණ්ඩව සිරගත කිරීම අසාධාරණ සහ අයුක්ති සහගත බවත් ඔවුන් දෙදෙනාට එරෙහිව නිකුත් කර ඇති රැඳවුම් නියෝගය දීර්ඝ නොකරන ලෙසත් ශ්රී ලංකා මානව හිමිකම් කොමිෂන් සභාව නිර්දේශ කර තිබේ.
ඔවුන් දෙදෙනා අඛණ්ඩව රඳවා තබා ගැනීමෙන් තොරව පොලිසියට සිදුකිරීමට අවශ්ය ඕනෑම ඉදිරි විමර්ශනයක් සාර්ථකව සහ කඩිනමින් සිදු කළ හැකි බවත්, එසේ තිබිය දී ත්රස්තවාදය වැලැක්වීමේ පනත යටතේ ඔවුන් රඳවාගෙන ඔවුන් විසින් සිදුකළේ යැයි කියන ‘නීති විරෝධී ක්රියාකාරකම්’ සම්බන්ධයෙන් සිදු කරන පරීක්ෂණ , අසාධාරණ සහ අයුක්ති සහගත බවත් මානව හිමිකම් කොමිසම පෙන්වා දෙයි.
මානව හිමිකම් කොමිෂන් සභාව පවසන්නේ සාමාන්ය නීතිය යටතේ අදාළ රැඳවියන්ට සාර්ථකව නඩු පැවරිය හැකි බවය.
රැඳවියන් අඛණ්ඩව සිරගත කිරීම සහ හිරිහැර කිරීම ශ්රී ලංකා ප්රජාතාන්ත්රික සමාජවාදී ජනරජයේ ආණ්ඩුක්රම ව්යවස්ථාව යටතේ ඔවුන්ගේ මූලික අයිතිවාසිකම් කඩ කිරීමක් බව ශ්රී ලංකා මානව හිමිකම් කොමිෂන් සභාව පවසයි.
එබැවින් වසන්ත මුදලිගේ සහ පූජ්ය හිමිට එරෙහිව නිකුත් කර ඇති රැඳවුම් නියෝගය දීර්ඝ නොකරන ලෙස මානව හිමිකම් කොමිසම නිර්දේශ කරයි.
