ආණ්ඩුවට එරෙහි විශ්වාසභංගය ඉදිරිපත් කිරීමට පෙර නියෝජ්ය කතානායකවරයෙක් තෝරා ගැනීම සඳහා ඡන්ද විමසීමක් යෝජනා කිරීමට සමගි ජන බලවේගය තීරණය කර ඇත.
ඒ අනුව නියෝජ්ය කතානායකවරයා පත්කර ගැනීමෙන් අනතුරුව ආණ්ඩුවට එරෙහි විශ්වාසභංගය ඉදිරිපත් කරන බව සමගි ජනබලවේගයේ ප්රකාශකයෙක් ලංකාසරට පැවසීය.
මීලඟ පාර්ලිමේන්තු සැසිවාරය මැයි මස 04 වැනි දින ආරම්භ කිරීමට නියමිත අතර එහි පළමු කාර්යය වන්නේ නියෝජ්ය කතානායකවරයෙක් පත් කරගැනීමය.
හිටපු නියෝජ්ය කතානායක රන්ජිත් සියඹලාපිටිය සිය ධුරයෙන් ඉල්ලා අස්වන බව මේ වනවිටත් ජනාධිපතිවරයාට ලිඛිතව දැනුම් දී ඇති අතර එහි පිටපතක් කතානායකවරයාට ද යවා තිබේ.
ඔහුගෙන් පුරප්පාඩුවන නියෝජ්ය කතානායක ධුරයට ස්වාධීන වූ මන්ත්රී කණ්ඩායමේ අනුර ප්රියදර්ශන යාපා මෙන්ම පොහොට්ටුවේ ඩිලාන් පෙරේරා යන දෙදෙනාගේ නම් යෝජනා වී තිබේ.
ඒ වෙනුවෙන් ඔවුන් දෙදෙනාගෙන් එක් අයෙක් තෝරාගැනීමට ඡන්ද විමසීමක් පැවැත්වීමට නියමිතව ඇත.
මේ ඡන්ද විමසීමෙන් ආණ්ඩුවට බහුතරය තිබේද නැද්ද යන්න දැනගත හැකි බව එම ප්රකාශකයා පැවසීය.
