ශ්රියානි විජේසිංහ –
ඉන්දියාවේ සිට කොළඹ වරාය වෙත මේ වන විට ළඟා වී ඇති මෙන්ට්රික්ටොන් 3500ක ලුණු තොගය වෙළඳපලට මුදා හැරීම සඳහා අවශ්ය ලියකියවිලි පරීක්ෂා කිරීම හා රසායනික පරික්ෂාවන් සිදුකිරීම මේ වන විට අවසන් කර ඇති බව වැඩබලන සෞඛ්ය සේවා අධ්යක්ෂ ජනරාල් විශේෂඥ වෛද්ය ආනන්ද ජයලාල් සඳහන් කළේය.
ඉන්දියාවෙන් මෙරටට ලුණු මෙට්ට්රික්ටොන් 150 000ක් ආනයන කිරීමට සඳහා ආනයනකරුවන් 100ට අධික සංඛ්යාවක් සෞඛ්ය අමාත්යංශයේ ආහාරපාලන ඒකකයේ ලියාපදිංචිය ලබා ඇති බවද වෛද්ය ජයලාල් ලංකාසර වෙත පැවසුවේය.
ලුණු ගෙන්වීම මේ වන විට කඩිනම් කර ඇති බැවින් දැනට වෙළඳපලේ පවතින ලුණු හිඟය ඉක්මනින් මඟහරවා ගත හැකි වනු ඇති බවද හෙතෙම පැවසුවේය.
කෙසේ නමුත් වෙළඳපල තුළ ඇති වූ ලුණු හිඟය පියවා ගැනීම සඳහා මෙතෙක් ලුණු ආනයනයට යොමු නොවු වෙළෙදුන් විශාල සංඛ්යාවක්ද සිය අයදුම්පත් ඉදිරිපත් කළ නමුත් ඔවුන් ආනයනය කටයුතු කළ යුත්තේ සෞඛ්ය අමාත්යංශයේ ආහාර පාලන ඒකකයේ අධීක්ෂණ යටතේ බවත් ඔවුන් ආනයනය කරන අයඩින්කරණය කරන ලද ලුණු වෙළඳපල සඳහාත් අයඩින් කරණය නොකරන ලද ලුණු කර්මාන්ත සඳහාත් යොමු කිරීමට ආහාර පාලන ඒකකය මගින් ආනයන කරුවන් දැනුවත් කළ බවත් වැඩබලන අධ්යක්ෂ ජනරාල්වරයා වැඩිදුරටත් පවසා පැවසීය.
නිසි ප්රමිතියට නොමැති ලුණු යම් ආනයනකරුවෙක් විසින් මෙරටට ආනයන කළහොත් එම ලුණු වෙළඳපලට නිකුත් නොකරන බවද හෙතෙම අවධාරණය කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
