ශ්රි ලංකාවේ ආර්ථිකය බිහිසුණු පසුබෑමකට ගමන් කරද්ද රටේ විශාලතම ධනපතියා ලෙස පිළිගැනෙන ඉෂාර නානායක්කාර ගේ පාලනය යටතේ ක්රියාත්මක වන LOLC ව්යාපාර සමූහය විදේශ ආදායම් උපදවන රන් ආකර සහ ශ්රි ලංකාවේ මිනිරවලින් මිල අධික ග්රැෆීන් නිෂ්පාදනය සඳහා විශාල ආයෝජනයක් සිදු කිරීමට සූදානම් වේ.
ඩේලි ෆයිනෑන්ෂල් ටයිම්ස් පුවත්පතට අදහස් දක්වමින් ඉෂාර නානායක්කාර ප්රකාශ කර ඇත්තේ ලංකා ඔරික්ස් ලීසීං ව්යාපාර සමූහය මේ සම්බන්ධනේ නිර්භීත පියවරක් ගෙන ඇති අතර සිම්බාබ්වේ හි ඇති තවත් රන් ආකර 10ක් මිලදී ගැනීමට සූදානමින් පසුවන බවය.
එමෙන්ම ශ්රි ලංකාවේ හමුවන මිනිරන්වලින් මේ වනවිට නිෂ්පාදනය කළ හැකි නවීන අංගෝපාංග සඳහා අවශ්ය අමුද්රව්යයක් වන ග්රැෆීන් නිෂ්පාදනය වෙනුවෙන් ද ආයෝජනය කිරීමට බලාපොරොත්තු වන අතර එයින් සමාගමට සුවිශාල ලාබයක් ලබා ගත හැකි බවට ඔහු බලාපොරාත්ත වෙයි.
ඉෂාර තවදුරටත් සඳහන් කර ඇත්තේ සමාගම 2023 වසර තුළ දී ඉන්දියාවේද ආයෝජනය කිරීම මේවනවිට සැලසුම් කර ඇති බවය.
සිය මූල්ය සමාගම් පිළිබඳව අදහස් දක්වමින් ඉෂාර නානායක්කාර එම පුවත්පතට පවසා අත්තේ බහුජාතික මූල්ය සමූහ ව්යවසායකයින්ගේ ගතික සන්නාමයක් බවට LOLC පත්ව ඇති බවය.
අවාසි සහගත සහ අඩු පහසුකම් සහිත ප්රජාවන් අතර නව මධ්යම පන්තියක් ස්ථාපිත කිරීම කෙරෙහි අවධානය යොමු කර ඇති සිය මූල්ය සමාගම් ක්රියාත්මක වන සෑම රටකම තරගකාරී වෙළඳපොලක් තුළ සමෘද්ධිමත් සහ ඔරොත්තු දෙන ව්යවසායකයින් නිර්මාණය කිරීම සඳහා කුසලතා, විශේෂඥ දැනුම බෙදාහදා ගැනීම සහ නිපුණතා ලබා දෙමින් සිටින බවද ඔහු සඳහන් කර ඇත.
පසුගිය 2022 වසර අවසන් වනවිට LOLC සමුහයේ දළ ආදායම ඩොලර් මිලියන 334 සිට ඩොලර් මිලියන 762 දක්වා ඉහළ ගොස් ඇත.
මුළු විස්තීරණ ආදායම 2013 දී ඩොලර් මිලියන 24ක් වූ අතර 2022 වන විට ඩොලර් මිලියන 522 දක්වා වැඩි විය.
මුළු වත්කම් ඩොලර් බිලියන 4.6 දක්වා සිව් ගුණයකින් වැඩි වී ඇත. ඉෂාර නානායක්කාර පවසන්නේ සමාගම් සමූහය විසින් මීට පෙර ආයෝජනය කළ මාලදිවයිනේ කාමර 470 කින් යුත් බොධුෆාරු බීච් රිසෝට් හෝටලය සහ සැප්තැම්බර් මාසයේදී මාලදිවයිනේ හි කාමර 136 කින් යුත් නසන්ධුරු පැලස් හෝටලය මාලදිවයිනේ සංචාරක නිකේතන සහ ආගන්තුක සත්කාර ව්යාපෘති ඇතුළු මෑත අතීතයේ සිදු කරන ලද ආයෝජන කිහිපයක් මේ වසරේ සාර්ථක වනු ඇති බවය.
