පසුගිය 20 වැනිදා මහජන උපයෝගීතා කොමිසමේ සභාපතිවරයාගේ කැඳවීමකට අනුව කොල්ලුපිටියේ පිහිටි කොමිෂන් සභා පරිශ්රයට පැමිණි අවස්ථාවේ දී එම පරිශ්රයේ රැඳී සිටිමින් කොමිසමේ සාමාජිකියන් දෙදෙනෙක්වන මොහාන් සමරනායකට සහ උදේනි වික්රමසිංහට තර්ජනය කළ බවට චෝදනා කරමින් ඊයේ (23) රාත්රියේ දී අත්අඩංගුවට ගත් සමගි ඒකාබද්ධ වෘත්තීය සමිති සන්ධානයේ කැඳවුම්කරු ආනන්ද පාලිත සහ විදුලි පාවිච්චි කරන්නන්ගේ සංගමයේ ලේකම් සංජීව ධම්මික එළඹෙන 26 වනදා දක්වා රිමාන්ඩ් බන්ධනාගාරගතකර කිරීමට කොටුව මහේස්ත්රාත් අධිකරණය නියෝග කළේය.
ඔවුන් අද (24) කොළඹ කොටුව මහෙස්ත්රාත් අධිකරණයට ඉදිරිපත් කිරීමෙන් අනතුරුව මෙම නියෝගය ලබා දී ඇත.
මේ සිද්ධිය සම්බන්ධව බස්නාහිර පළාත් ජ්යෙෂ්ඨ නියෝජය පොලිස්පති දේශබන්දු තෙන්නකෝන් විසින් කරන ලද නියෝගයකට අනුව කරන විශේෂ විමර්ශනයේ දී සාක්ෂි ලබා දී ඇති මොහාන් සමනායක පවසා තිබුණේ විදුලි පරිභෝජනය කරනන්න්ගේ සංමයේ ලේකම්වරයා තමන්ට රට පාවා නොදෙන ලෙස අනාගතයේ දී තර්ජනය කර කැට හොල්ලනට සිදුවනු ඇති බවට පැවසූ බවය.
ආනන්ද පාලිත කැට හොල්ලන්නටවත් පාරට බහින්නට බැරිවනු ඇතැයි කියමින් තර්ජනය කළ බවත් එය ඉතාම බරපතල තර්ජනයක් බවත් පවසා ඇත. කොමිසමේ සාමාජිකයින් දෙදෙනෙකුට සාපරාධී බලහත්කාරකම් කිරීම හේතුවෙන් ඔවුන් අත්අඩංගුවට ගෙන මෙසේ බන්ධනාගාරගත කර ඇත.
මේ ලිපියත් කියවන්න…
මහජන උපයෝගීතා කොමිසමේ සාමාජික මොහාන් සමරනාකට තර්ජනය කළැයි ආනන්ද පාලිත ඊයේ රෑ අත්අඩංගුවට…
