කීර්ති ප්රනාන්දු –
හෙට පාර්ලිමේන්තුව තුළ ජනාධිපති ධුරය සඳහා තරග වදින වැඩ බලන ජනාධිපති රනිල් වික්රමසිංහ පාස්කු ප්රහාරයේ වින්දිතයන්ගේ ලේ සහ කඳුළු මතින් යළිත් දේශපාලන බලය අත්පත් කර ගැනීමේ නීච උත්සාහයක නිරත වන බවත් එම උත්සාහය දැඩි පිළිකුලෙන් යුතුව හෙළා දකින බවත් කතෝලික සභාව අද නිවේදනය කළේය.
ජනතාවට අත්යාවශ්ය ආහාර ද්රව්ය පවා මිලදී ගත නොහැකිව හෙම්බත් වී සිටින, පෝලිම්වල වෙහෙසට පත් වී සිටින වටපිටාවක දී කතෝලික සභාවත් පාස්කු ප්රහාරයට යුක්තිය දිනා ගැනීම වෙනුවෙන් කිසිදු ප්රකාශයක් සිදු නොකිරීමට තීරණය කර තබිය දී ටි අද වැඩ බලන ජනාධිපතිවරයා හිටිවනම අද ප්රකාශයක් කරමින් “ පාස්කු ප්රහාරයට අපක්ෂපාතී සාධාරණ තීරණයක් ලබා ගැනීම සඳහා අන්තර්ජාතික සහයෝගය ලබා ගන්නා“ බවට කළ ප්රකාශය නින්දා සහගත දේශපාලන ප්රකාශයක් බව ද එම සභාව ප්රකාශ කළේය.
මේ සම්බන්ධව කතෝලික සභාව වෙනුවෙන් ප්රකාශයක් කළ සිරිල් ගාමිණි ප්රනාන්දු පියතුමා මෙසේ ද පැවසීය.
“ජනාදිපති අපේක්ෂකත්වයට නාම යෝජනා දුන් වැඩබලන ජනාධිපතිවරයා පාර්ලිමේන්තුව තුළ ඡන්දයක් පැවැත්වෙන තීරණාත්මක අවස්තාවේ දී පාස්කු ප්රහාරයේ පරීක්ෂණ කටයුතු ඉවර කරන්න අවශ්යයිය කියන කතාව කීවා. ඒ ප්රකාශය පසුපස ජනාධිපතිවරයා ලෙස තමන් පත්වීමට අවශ්ය යම් කිසි තල්ලුවක් ලබා ගන්න ඇති උත්සාහයක් පිළිබඳ අපට හැඟෙනවා.“
එදා වගේම අදත් දේශපාලකයෙක් පාස්කු ප්රහාරය තමන්ට බලයට පැමිණීම සඳහා පාවිච්චි කිරීමේ නීච උත්සාහයක් දැරුවා කියන එකයි අපේ අදහස.
“මොකද රනිල් වික්රමසිංහ අග්රාමාත්යවරයාව සිටිය දී තමයි මේ පාස්කු ප්රහාරය සිද්ධ වුනේ. එවක ඔහු නිකම්ම අග්රාමාත්යවරයා නොවෙයි. 19 වැනි ව්යවස්ථා සංශෝධනයෙන් බොහෝ බලතල පාර්ලිමේන්තුව සහ අගමැතිවරයා සතුව තිබූ අවස්ථාවෙයි පාස්කු ප්රහාරය සිද්ධ වෙන්නේ. ඔහු පාස්කු ප්රහාරයෙන් පස්සේ මාස හතක් බලයේ සිටියා. එහෙම ඉන්න කාලෙ නොකරපු දෙයක් ගැන අද රනිල් වික්රමසිංහ කථා කරනවා.“
මාස හතක් තිස්සෙ බලතල සහිත අගමැතිවරයාව සිටි රනිල් වික්රමසිංහට පුලුවන්කම තිබුණා පාස්කු ප්රහාරයේ විමර්ශන සඳහා ඒ කාලයේ දීම ස්කොට්ලන්ඩ්යාර්ඩ් පොලිසියට ගිහින් ජාත්යාන්තර සහයෝගය ලබා ගන්න. ජාත්යාන්තර පොලිසියෙ සහයෝගය ලබා ගන්න. ජාත්යාන්තර පරීක්ෂණයක් කරන්න. නමුත් ඒ කාලයෙ ඔහු ඒක කළේ නෑ.
නමුත් දැන් ඔහු කියනවා මේක විදේශීය පරීක්ෂණ කණ්ඩායමක් මගින් ස්වාධීනවමේ පරීක්ෂණය කරන්න ඕන කියලා.
අපට මේ සම්බන්ධව විශ්වාසයක් නෑ. මේක හුදු රැවටීමක්. මේක පාස්කු ප්රහාරයේ වින්දිතයන්ටත් පාස්කු ප්රහාරයට සාධාරණය හා යුක්තිය අපේක්ෂා කළ අපි හැමදෙනාටමත් කළ නිග්රහයක්.
ඔහු මේ මැරිචච් මිනිස්සුන්ගේ ලේ මතින්, මේ මැරිච්චි මිනිස්සුන් සහ ඉන් පීඩාවට පත් වූ මිනිස්සුන්ගේ දුක් වේදනාව සහ කඳුළු මතින් මීට සාධාරණත්වය ඉල්ලා මේ තරම් කාලයක් අරගලයක යෙදුනු කතෝලික හා අන්ය ආගමික ජනතාවගේ ප්රාර්ථනා මතින් ජනාධිපති බලය ලබා ගන්න කරන උත්සාහයක්. මේක රැවටීමක් හැටියට අපි සලකන්නෙ.
තවදුරටත් මේ ඔස්සේ ජානතාව රවට්ටන්න උත්සාහ කරන්න එපා. අපි කවුරුවත් දේශපාලකයන්ගේ වංචාකාරී රැවටිලිකාරී උත්සාහයන්ට තව දුරටත් රැවටෙන්නෙ නෑ.
එම ප්රකාශය පහත දැක්වේ…
&;
