යුරෝපයේ සිට ආනයනය කරන භාණ්ඩ සීමා කිරීම වහාම ඉවත් කරන ලෙස යුරෝපා සංගමය ශ්රී ලංකාවෙන් ඉල්ලීමක් කර තිබේ.
පසුගියදා පැවති වෙළෙඳ හා ආර්ථික සහයෝගීතාවය පිළිබඳව යුරෝපා සංගමය, ශ්රී ලංකාව සමග පැවති සාකච්ඡාවේදී යුරෝපා සංගම් නියෝජිතයන් ශ්රී ලංකාවෙන් මෙම ඉල්ලීම කර ඇති බව විදේශ අමාත්යාංශයේ සහ යුරෝපා සංගම් කාර්යාලය ඒකාබද්ධව නිකුත් කරන ලද නිවේදනයක සඳහන් වේ.
විදේශ විනිමය අර්බුදය හේතුවෙන් කොවිඩ් වසංගතයක් සමඟ පනවන ලද මෙම ආනයන තහනම මගින් යුරෝපා භාණ්ඩ ශ්රී ලංකාවට ගෙන්වා ගැනීමේ ගැටලුවක් නිර්මාණය වී ඇති බවත් ඒ රටවල් දෙක අතර ආර්ථික සහයෝගීතාවයට බාධාවක් විය හැකි බවත් එම නිවේදනයේ සඳහන් කර තිබේ .
මෙයට අමතරව මේ වන විට ක්රියාත්මක වන ජීඑස්පී ප්ලස් අපනයන බදු සහනය පිළිබඳව ද සාකච්ඡාවට ලක් ව ඇති අතර එහිදී ශ්රී ලංකාව කෙරෙහි මෙතෙක් ජීස්පී ප්ලස් සහනය පිරිනැමීමෙන් යුරෝපා සංගමය දැක්වූ සහයෝගය පිළිබඳව කෘතඥතාවය පළ කර ඇත.
කෙසේ වුවද ශ්රී ලංකාව ජාත්යන්තර සම්මුතීන් 27කට අනුකූලව කටයුතු කළ යුතු වන අතර විශේෂයෙන් මානව හිමිකම් කම්කරු අයිතිවාසිකම් පරිසර ආරක්ෂණය සහ යහපාලනය සම්බන්ධයෙන් වන ජාත්යන්තර සම්මුතීන් ජීඑස්පී ප්ලස් සහනය දිගටම ලබා ගැනීම නම් නිසි අයුරින් ක්රියාත්මක විය යුතු බව එහිදී යුරෝපා සංගම් නියෝජිතයින් පෙන්වා දී ඇත.
ශ්රී ලංකාව ද එම සම්මුතීන් සහ අදාල ප්රතිපත්තීන් අනුව කටයුතු කරන බවට යුරෝපා සංගම් නියෝජිතයන් හමුවේ ප්රකාශ කර තිබේ.
එහිදී අදාළ සම්මුතින් සම්බන්ධයෙන් ශ්රී ලංකාව දක්වන ප්රගතිය යුරෝපා සංගමයට යවත්කාලීන හෙළ ලෙසට ද මෙම සංගමයේ නියෝජිතයන් ඉල්ලා ඇත.
මේ අතර යුරෝපා සංගම් නියෝජිතයන් දැනට ක්රියාත්මක වන ත්රස්තවාදය වැළැක්වීමේ පනත පිළිබඳව ද විශේෂ අවධානයක් යොමු කර ඇති අතර ශ්රී ලංකාව පොරොන්දු වූ ආකාරයෙන් එහි සංශෝධන සිදු කර නොමැති බව ඉස්මතු කර දක්වා ඇත.
එසේම පුද්ගලයන් එම පනත යටතේ රඳවා ගැනීම පිළිබඳව ද ඔවුන් මෙහිදී අවධානයට ලක්කර ඇති බව එම ඒකාබද්ධ ප්රකාශයේ සඳහන් වේ.
මෙම යුරෝපා ශ්රී ලංකා ඒකාබද්ධ ආර්ථික සහයෝගීතා වැඩපිළිවෙළේ 24 වැනි රැස්වීම ඊයේ බ්රසල්ස් නුවර දී පවත්වා ඇති අතර එය ඉතාම මිත්රශීලී ස්වරූපයකින් පැවති බව ද එම නිවේදනයේ තවදුරටත් සඳහන් වේ.
