ට්රැක්ටර් යන්ත්රවලට සවිකළ වින්ච් (Winch) යන්ත්ර භාවිතයෙන් මාදැල් ඇදීමට පනවා ඇති තහනම ඉවත් කරන ලෙස ඉල්ලා ජනාධිපති ලේකම් කාර්යාලය ඉදිරිපිට සත්යග්රහයේ නිරත ධීවරයින්ට, ජනාධිපතිවරයා සමඟ සාකච්ඡාවක් ලබාදීමට බලධාරීන් පියවර ගෙන තිබේ.
ඒ අනුව අද (13) පස්වරුවේ මෙම තීරණාත්මක සාකච්ඡාව පැවැත්වීමට නියමිතය.
පසුගිය පෙබරවාරි 05 වැනිදා ආරම්භ කළ මෙම සත්යග්රහය අද වන විට නොකඩවා 09 වැනි දිනටත් ක්රියාත්මක වේ. ඊයේ රාත්රියේ පැවති වර්ෂාව නොතකා ධීවරයින් ජනාධිපති ලේකම් කාර්යාලය ඉදිරිපිට රැය පහන් කළ අතර, අද උදෑසන පොලිස් නිලධාරීන් එම ස්ථානයට පැමිණ අදාළ සාකච්ඡාව සම්බන්ධයෙන් ධීවරයින් දැනුවත් කර තිබේ.
අරගලයේ පසුබිම
මාදැල් කර්මාන්තය සඳහා වින්ච් යන්ත්ර භාවිතය වත්මන් රජය විසින් තහනම් කිරීමත් සමඟ මෙම අර්බුදය උද්ගත විය. ධීවරයින් පවසන්නේ සාම්ප්රදායික ක්රමයට වඩා කාර්යක්ෂමව කර්මාන්තය කරගෙන යාමට මෙම යන්ත්ර අත්යවශ්ය බවයි.
මීට පෙර අවස්ථා කිහිපයකදීම බලධාරීන් සමඟ සාකච්ඡා පැවැත්වුවද, ඒවා විසඳුමකින් තොරව අවසන් විය. ධීවර අමාත්යාංශයේ අදහස වූයේ මේ සම්බන්ධව කරුණු කිහිපයක් සලකා බැලිය යුතු බවය.
පවතින ධීවර රෙගුලාසි අනුව මාදැල් ඇදීම යාන්ත්රික බලයෙන් සිදු කිරීම තහනම් බැවින්, එම නීති සංශෝධනය කිරීමකින් තොරව ක්ෂණික විසඳුම් ලබා දීම නීතිමය ගැටලුවලට මග පාදන බව අමාත්යාංශය පෙන්වා දුන්නේය.
වින්ච් යන්ත්ර භාවිතයට අවසර දීම සම්බන්ධයෙන් ඇතැම් සාම්ප්රදායික මාදැල් කණ්ඩායම් සහ පරිසර සංවිධාන විරෝධය පළ කර ඇති බැවින්, සියලු පාර්ශවයන්ට සාධාරණ වන පරිදි ප්රතිපත්තිමය තීරණයක් ගැනීමට රජය බැඳී සිටින බව ද අමාත්යාංශය වැඩිදුරටත් අවධාරණය කළේය.
කෙසේ වෙතත් නිශ්චිත තීන්දුවක් ගැනීමට පෙර නාරා (NARA) ආයතනය වැනි පර්යේෂණ ආයතන හරහා වින්ච් යන්ත්ර භාවිතයෙන් මුහුදු පත්ලට සහ මත්ස්ය ප්රජනනයට සිදුවන බලපෑම පිළිබඳව විද්යාත්මක වාර්තාවක් ලබා ගැනීමට කටයුතු කරන බව අමාත්යාංශය පැවසුවේය.
මේ අතර මෙම සත්යග්රහයට දේශපාලන මැදිහත්වීමක් ද කැපී පෙනෙන දක්නට ලැබිණි.
සමගි ජන බලවේගයේ පාර්ලිමේන්තු මන්ත්රීවරුන් වන හෙක්ටර් අප්පුහාමි, දිලීප් වෙදආරච්චි ප්රසාද් සිරිවර්ධන, විටින් විට මෙම සත්යග්රහය වෙත පැමිණ දේශපාලන වශයෙන් තම සහාය දැක්වූහ. දිලීප වෙදආරචචි තමන් මාදැල් පරපුරක පුරුකක් බව කියමින් මේ සත්යග්රහයට එක් වූයේය.
ධීවර ප්රජාව අවධාරණය කරන්නේ වින්ච් යන්ත්ර භාවිතය තහනම් කිරීම හරහා තමන්ගේ ජීවනෝපාය දැඩි තර්ජනයකට ලක්ව ඇති බවය. අද පස්වරුවේ ජනාධිපතිවරයා සමඟ පැවැත්වෙන සාකච්ඡාවෙන් සිය ගැටලුවට ස්ථිර සහ සාධාරණ විසඳුමක් ලැබෙනු ඇතැයි ඔවුහු අපේක්ෂා කරති.
සම්ප්රදාය සහ නවීන තාක්ෂණය අතර නෛතික ගැටුම
ශ්රී ලංකාවේ වෙරළාශ්රිත ධීවර කර්මාන්තයේ පැරණිතම සහ ප්රධානතම අංගයක් වන මාදැල් කර්මාන්තය අද වන විට බරපතළ නෛතික සහ තාක්ෂණික අර්බුදයකට මැදිව තිබේ. ජනාධිපති ලේකම් කාර්යාලය ඉදිරිපිට පැවැත්වෙන සත්යග්රහයට මූලික වී ඇත්තේ දශක කිහිපයක් පැරණි නීති රෙගුලාසි සහ වර්තමාන කර්මාන්තයේ අවශ්යතා අතර පවතින මෙම පරස්පරතාවයි.
නෛතික රාමුව කුමක්ද?
මාදැල් ධීවර කර්මාන්තය ප්රධාන වශයෙන් පාලනය වන්නේ 1996 අංක 2 දරන ධීවර හා ජලජ සම්පත් පනත සහ 1984 අංක 848/8 දරන අති විශේෂ ගැසට් පත්රයේ සඳහන් රෙගුලාසි මගිනි. මෙම රෙගුලාසිවල මූලික අරමුණ වූයේ:
- සාම්ප්රදායික ධීවර රැකියා සුරක්ෂිත කිරීම.
- වෙරළාශ්රිත මත්ස්ය සම්පත අධික ලෙස නෙළා ගැනීම පාලනය කිරීම.
- මිනිස් ශ්රමය මත පදනම් වූ කර්මාන්තයක් ලෙස එය පවත්වාගෙන යාම.
වින්ච් (Winch) යන්ත්ර තහනමට හේතුව
පවතින නීතියට අනුව මාදැල් ගොඩට ඇදීම සඳහා යාන්ත්රික බලය (Mechanical Power) භාවිත කිරීම සෘජුවම අනුමත කර නොමැත. බලධාරීන් මෙම යන්ත්ර භාවිතය තහනම් කිරීමට තාක්ෂණික හේතු කිහිපයක් දක්වයි:
එකක් පාරිසරික හේතුවකි. වින්ච් යන්ත්ර මගින් දැල ඉතා වේගයෙන් ඇදීම නිසා මුහුදු පත්ලේ ඇති කොරල් පර සහ මත්ස්ය බිත්තරවලට හානි සිදු විය හැකි බවට වන මතය නිසා මේ තහනම පනවා ඇත. .
අනෙක ශ්රම වෙළෙඳපලය. එක් මාදැලක් ඇදීමට සාමාන්යයෙන් ධීවරයින් 20-30ත් අතර පිරිසක් අවශ්ය වේ. යන්ත්ර සූත්ර පැමිණීමෙන් එම රැකියා අවස්ථා අහිමි වෙතැයි පවතින බිය යන්ත්ර සූත්ර භාවිතය අධෛර්ය කිරීමේ හේතුවකි.
ධීවරයින්ගේ තර්කය
සත්යග්රහයේ නිරත ධීවරයින් පවසන්නේ වර්තමාන සමාජ-ආර්ථික වටපිටාව තුළ පැරණි නීති ප්රායෝගික නොවන බවයි:
මාදැල් ඇදීම සඳහා අවශ්ය තරුණ ශ්රමිකයින් සොයාගැනීමේ දැඩි අපහසුවක් ඇතැයි ධීවරයෝ කියති.
එමෙන්ම මිනිස් ශ්රමය සඳහා වැයවන අධික පිරිවැය හමුවේ කර්මාන්තය පාඩු ලබන තත්ත්වයට පත්වී ඇති බව ඔවුහු පවසති.
තවද සාගරයේ කාලගුණික විපර්යාස හමුවේ ඉතා ඉක්මනින් දැල ගොඩට ඇද ගැනීමට යාන්ත්රික සහාය අත්යවශ්ය වීම ධීවරයෝ අවධාරණය කරති.
විසඳුම කොතැනද?
මෙම ගැටලුව විසඳීමට නම් පවතින මාදැල් රෙගුලාසි සංශෝධනය කරමින්, පරිසරයට හානි නොවන අයුරින් වින්ච් යන්ත්ර භාවිත කළ හැකි “සීමිත තාක්ෂණික අවසරයක්” ලබා දිය යුතු බව විද්වතුන්ගේ මතයයි. අ
ද පස්වරුවේ ජනාධිපතිවරයා සමඟ පැවැත්වෙන සාකච්ඡාව, මෙම දශක ගණනාවක් පැරණි නීතිය සහ නවීන අවශ්යතාවය අතර පාලමක් තැනීමට ලැබෙන අවස්ථාවක් බව විශ්වාස කෙරේ.
