අනීතිකව පොලිස් නිලධාරීන් ද යොදවාගෙන බව්සරයක් කොල්ල කන්නට ගිය සීසර්ලා කණ්ඩායමක් සිදුකරන අසාධාරණය සම්බන්ධව සෙයා බැලීමට ගිය ලීසිං සහ ණය වාරික ගෙවන්නන්ගේ සංගමයේ සභාපති අසංක රුවන් පොතුපිටියට එල්ල කළ මැර ප්රහාරය සම්බන්ධව අද අධිකරණයට කරුණු වාර්තා කිරීමට නියමිත බව දෙහිවල පොලිසියේ ආරංචි මාර්ග පවසයි.
ස්වකීය නිල අංකත් ගලවාගෙන පැමිණි පොලිස් නිලධාරීන් දෙදෙනෙක් ද සමග සිටි සීසර්ලා දෙදෙනෙක් පසුගිය 22 දා දෙහිවල සහ ගල්කිස්ස සීමාවේ දී මෙම වාහන පැහැර ගැනීමට කටයුතු කිරීමට එරෙහි වූ සභාපතිවරයාට ලීසිං මැරයන් විසින් පොලිස් නිලධාරීන් ඉදිරියේ දීම පහර දී ඇත.
සිද්ධිය සම්බන්ධව සභාපතිවරයා විසින් දෙහිවල පොලිසියේ පැමිණිල්ලක් සටහන් කර තිබේ. ඔහු මාධ්යයට පවසා සිටියේ මේ අවස්ථාවේ දී පොලිසිය හැසිරී තිබුනේ මුලුමනින්ම අනීතික ආකාරයට බවය.
සිද්ධිය වූ අවස්ථාව අසංක පොතුපිටිය විසින් වාර්තා කළ අයුරු…
“2024.02.08 දිනයේදී වැඩබලන පොලිස්පතිතුමන් විසින් විශේෂ චක්රලේකයක් නිකුත් කළා. එ් චක්රලේඛය තමයි RTM – 199 ය. එය ලංකාවේ සියලුම පොලිස් ස්ථාන වලට නිකුත්කරනු ලැබුවා. මෙම චක්රලේඛයට අනුව කිසිදු ආකාරයකට ලීසිං ආයතන වලට වාහන අත්තනෝමතිකව ලබාගැනීමක් හෝ සීසර් ලා හරහා වාහන පැහැර ගැනීමට බෑ. වාහන අත් පත් කරගැනීමක් අවශ්ය නම් ඒ සඳහා පැමිණිල්ල කළ යුත්තේ අදාල මූල්ය ආයතනයේ නිලධාරීන්. ඉන් පසු බී.ආර්. එකක් කඩලා පොලිස් නිලධාරීන් දෙදෙනෙක් සමග ගොස් නීත්යානුකූලවයි එම අත් පත්කර ගැනීම සිදුවිය යුත්තේ.
මෙතනදි මම පොලිසියෙන් ගිහින් ඇහුවා මේ ගැන. පැමිණිල්ල දාලා තියන්නේ සීසර්ලා. බී.ආර්. එකක් කඩලා නෑ. පොලිස් නිලධාරීන් දෙදෙනෙක් ගිහින් තියනවා තමන්ගේ සේවා අංක ගලවාගෙන මැරයො කණ්ඩායමත් එක්ක. දැන් දෙහිවල පොලිසිය කියනවා ඒ ඔවුන්ගේ පොලිස් නිලධාරීන් දෙදෙනෙක් නෙමෙයි කියල ගිහින් තියෙන්නේ. ගල්කිස්ස පොලිසියත් කියනවා ඒ ගිය නිලධාරීන් ඔවුන්ගේ පොලිසියට අනුයුක්ත අය නෙමෙයි කියලා.
“එහෙනම් මේ ගිය අය කවුද?. නීතිය ක්රියාත්මක කරන හැටි දන්නවා කියලා මට තර්ජනය කළේ සහ මැරයින් මට පහර දෙනකම් නිල ඇඳුම් පිටින් බලා සිටියේ ඔවුන්.”
“ඔවුන් සම්බන්ධව පොලිස්පතිවරයා වෙත ලිඛිතව දන්වා තිබෙනවා. මෙම පැමිණිල්ල පසුගිය 23 වැනිදා දැම්මා…” ලීසිං සහ ණය වාරික ගෙවන්නන්ගේ සංගමයේ සභාපති අසංක රුවන් පොතුපිටිය කීවේය.
සිද්ධිය සම්බන්ධව කළ පැහැදිලි කිරීම වාර්තා කර තිබූ අයුරු…
