ගම්පහ ලයිසියම් ජාත්යාන්තර විද්යාලයේ සිසුවියන්ගේ වැසිකිලි පද්ධතියේ තිබී හමුවූ නොමේරූ බිළිඳු කළලය සම්බන්ධව වැඩි දුර විමර්ශන සඳහා පාසලෙන් අවශ්ය සහයෝගයක් නොලැබෙන්නේ නම් අධිකරණයට කරුණු වාර්තා කර අධිකරණ නියෝගයක් මත සිසුවියන් වෛද්ය පරීක්ෂණයකට යොමු කිරීමට විමර්ශන අංශවල අවධානය යොමු වී තිබේ.
මෙම බිළිඳු කළලය සම්බන්ධ අපරාධයේ වින්දිතයා මේ දැරියන්ගෙන් කෙනෙක් වීමට බොහෝ දුරට ඉඩ ඇති බව විමර්ශන අංශවලට පෙනී ගොස් ඇති බැවින් මෙම තීන්දුව ගෙන ඇත.
කළලය ගුරුවරියන්ගේ වැසිකිලි පද්ධතිය ආශ්රිතව හමුනොවීමත්, දිවා විවේකයෙන් අනතුරු කාල සීමාව තුළ සිදුවූ යම් සිද්ධියක් මත මෙම කළලය සිසුවියන්ගේ වැසිකිලියෙන් හමුවීමත් සම්බන්ධව විමර්ශකයින්ගේ අවධානයට ලක් වී තිබේ.
පසුගිය 20 දා සවස් වරුවේ පාසලේ කාන්තා වැසිකිළිය පවිත්ර කිරීමට ගිය සේවිකාවට මෙම බිළිඳු කලළය හමුවී ඒ සම්බන්ධව බෙම්මුල්ල පොලිසියට පැමිණිලි කර තිබිණි.
පැමිණිල්ල ලැබීමත් සමග බෙම්මුල්ල පෙලිස් නිලධාරීන් ගම්පහ අපරාධ පරීක්ෂණ දෙපාර්තමේන්තුවේ නිලධාරීන් සමග එක්ව ගොස් විමර්ශන ආරම්භ කළේය.
පොලිස් විමර්ශන අංශ පවසන්නෙ සිදුවී ඇත්තේ අපරාධයක් බවත්, වින්දිතයින්ට හානියක් නොවී අපරාධය හෙළිදරවු කරගැනීමේ වගකීම පොලිසියට ඇති නිසා ඉදිරි විමර්ශන කටයුතු සඳහා ප්රමාණවත් සහයෝගයක් පාසලෙන් නොලැබෙන්නේ නම් අධිකරණ නියෝගයක් මත කටයුතු කිරීමට අවධානය යොමු වී ඇති බවය.
