අරයර්ලන්තය පරදවා ශ්රී ලංකාව කඩුළු 09ක විශිෂ්ට ජයග්රහණයක් අත්කරගත්තේය. ඒ පන්දු ඕවර 05ක් ඉතිරිව තිබියදී ය.
ශ්රී ලංකා කණ්ඩායම පන්දු ඕවර 15ක් අවසන්වන විට එක් කඩුල්ලක් පමණක් දැවී අයර්ලන්ත කණ්ඩායම ලබා දුන් ලකුණු 129 ඉලක්කය පසු කර ගියේය.
මෙවරත් කුසල් මෙන්ඩිස්ගෙන් අති උත්කර්ෂවත් පිතිකරණයකි. කුසල් පන්දු 42ක් තුළ හතරේ පහර 5ක් සහ හයේ පහර තුනක් සමග නොදැවී ලකුණු 68ක් ලැබුවේය. කුසල් ලංකාවේ ජයග්රහණය සලකුණු කළේ මනරම් හයේ පහරකිනි.
පැතුම් නිස්සංක නැති ආරම්භක පිතිකරණයට පැමිණයේ ධනංජය ද සිල්වාය. ධනංජය සහ කුසල් කදිම ආරම්භයක් ලබා ගත්තේය. ධනංජයය පන්දු 25ක් තුල හතරේ පහර දෙකක් සහ එක් හයේ පහරක් සමගින් ලකුනු 31 ලැබුවේය.
ශ්රී ලංකා කණ්ඩායමේ දැවී ගිය එකම කඩුල්ල ධංජය ය. ඔහු දකුණතින් ලෙග් බ්රේක් පන්දු යවන ගැරත් ඩෙලනි ගේ පන්දුවකට කඩුළු රකින ක්රීඩක ලෝකන් ටකර් වෙත උඩ පන්දුවක් ලබා දීමෙන් දැවී ගියේය. ඔහු දැවී යනවිට ශ්රී ලංකා කණ්ඩායමේ ලකුණු සංඛ්යව 63කි.
ඉන් අනතුරුව පිටියට පැමිණි චරිත් අසලංක සිය සුපුරුදු පිතිකරණ රිද්මයට පැමිණ ඇති අයුරු පෙන්නුවේය. ඔහු පන්සු 22ක් තුළ හතරේ පහර 02ක් සමගින් ලකුණු 31 නොදැවී ලැබුවේය.
විස්සයි 20 ලෝක කුසලාන තරගාවලියේ 15වැනි තරගය ලෙස ශ්රී ලංකාව සහ අයර්ලන්තය අතර අද තරගය පැවැත්වුනේ ඔස්ට්රේලියාවේ හොබාර්ට් හි දී ය. කාසියේ වාසිය දිනු අයර්ලන්ත කණඩායම මුලින්ම පන්දුවට පහරදීම තේරුවේය.
ආරම්භක පිතිකරණ යුගලයේ හැරී ටෙක්ටර් පන්දු 42ක දී ලකුණු 45ක් ලැබුවේය. ඒ එක් හයේ පහරක් සහ හතරේ පහර දෙකක් සමගිනි.
ජොර්ජ් ඩොක්රෙල් ලකුණු 14ක් ලැබුවේය. අනෙක් එක් ක්රීඩකයෙක්වත් ලකුණු 10 සීමාව ඉක්මවා ගියේ නැත.
විශිෂ්ට පන්දු යැවීමක නිරත වූ සෑම ශ්රී ලංකා පන්දු යවන්නෙක්ම අයර්ලන්ත කණ්ඩායමට පීඩාවක් එල්ල කළහ.
මහීෂ් තීක්ෂණ පන්දු ඕවර 4තුළ ලකුණු 19ට කඩුළු 02ක්, වනිඳු හසරංග පන්දු ඕවර 04 තුළ ලකුණු 25ට කඩුළු 02ක් බිඳ හෙළූහ. බිනුර ප්රනාන්දු, ලකුණු 27ට කඩුල්ලක්, ලහිරු කුමාර ලකුණු 12කට කඩුල්ලක්, චාමික කරුණාරත්න ලකුණු 29ට කඩුල්ලක්, ධනංජයද සිල්වා ලකුණු 13ට කඩුල්ලක් බිඳහෙලුවේය.
තරගයේ සියලුම ගෞරව ශ්රී ලංකා කණ්ඩායමටය. ඔවුහු පන්දු ඕවර 15ක් තුළ ලකුණු 129 ජයග්රාහී ඉලක්කය පසු කළහ. තරගයේ වීරයා කුසල් මෙන්ඩිස්ය.
