වාහන ආනයනය කිරීම ලබන වසරේ ද ක්රියාත්මක නොකිරීමට බොහෝ දුරට ඉඩ ඇති බව මුදල් අමාත්යාංශ ආරංචි මාර්ග සදහන් කරයි.
ඒ පිලිබඳව මේ වනවිටත් සාකච්ඡා කර ඇති අතර එහිදී ලබන වසරේද වාහන ආනයනය නොකිරීම පිළිබඳව යොජ්නා වී තිබේ.
මේ ඔස්සේ රාජ්ය භාණ්ඩාගාරයට අහිමි වන බදු ආදායම වෙනත් බදු හරහා එකතු කර ගැනීමට අදාල යෝජනා ඊළඟ අයවැයේදී ඉදිරිපත් වනු ඇතැයි ද මෙම ආරංචි මාර්ග සදහන් කරයි.
සාමාන්යයෙන් වාර්ෂිකව වාහන ආනයන බදු ලෙස රුපියල් බිලියන 75ත් 85ත් අතර ප්රමාණයක් හිමිවන බවට ගණන් බලා ඇත. 2019 වසරේ මහ බැංකු වාර්තාවලට අනුව වාහන ආනයන මත අය කෙරුණු තීරු බදුවලින් රුපියල් බිලියන 82ක් උපයාගෙන තිබේ.
මේ වනවිට මෙම ආදායම රාජ්ය භාණ්ඩාගාරයට අහිමිව ඇති අතර එම අහිමි ව ඇති මුදල වෙනත් බදු හරහා රාජ්ය භාණ්ඩගාරයට එක් කිරීම පිළිබඳව අවධානය යොමුව ඇතැයි සඳහන් වේ.
මීට අමතරව ලබන වසරේ සිදු කිරීමට යෝජිත සමාජ සුබසාධන හා සමාජ ආරක්ෂණ කටයුතු ඇතුළු රාජ්ය වියදම් සඳහා ඇස්තමේන්තු කර ඇති අතිරේක ප්රතිපාදන වියදම් සඳහා අවශ්ය මුදල සොයා ගැනීම සඳහා නුදුරේදී ඉදිරිපත් කරන 2023 අයවැයෙන් තවදුරටත් බදු වැඩි කිරීම කෙරෙහි අවධානය යොමුව ඇති බව මුදල් අමාත්යංශ ආරංචි මාර්ග උපුටා දක්වන සන්ඩේ ටයිම්ස් පුවත් පත වාර්තා කරයි.
එම පුවත් පත අද සිය ප්රධාන පුවත ලෙස වාර්තා කර ඇති මෙම පුවත මඟින් අනාවරණය කරන්නේ දේශීය අදායම් දෙපාර්තමේන්තුව, සුරාබදු දෙපාර්තමේන්තුව සහ රේගුව ඉලක්ක කර නව බදු වැඩි කිරීම් හෝ අලුත් බදු එක් කිරීම පිළිබඳව මේ වනවිට අවධානය යොමුව අති බවයි.
ලබන වසරේ ක්රියාත්මක කිරීමට නියමිත සමාජ ආරක්ෂණ සහ සුබසාධන වැඩ සටහන සඳහා රුපියල් මිලියන 800ක පමණ මුදලක් අතිරේකව වැය වනු ඇති බවට මේ වනවිට ගණන් බලා තිබේ.
එය මුදල් මුද්රණය කිරීමකින් තොරව සැපයීමට නම් රාජ්ය ආදායම් වර්ධනය කළ යුතු බව භාණ්ඩාගාර නිලධාරීන් විසින් පෙන්වා දෙනු ලැබ ඇත. ඒ අනුව මෙලස නව බදු පැනවීම පිළිබඳව අවධානය යොමුව ඇති බව සඳහන් වේ.
මීට අමතරව රාජ්ය සේවක වැටුප් ගෙවීමට රුපියල් ට්රිලියනයක් ඉක්මවූ මුදලක් අවශ්ය ව ඇති අතර විශ්රාම වැටුප් ගෙවීම සඳහාද රුපියල් බිලියන 3.2ක් අවශ්ය ව ඇත.
මෙම අරමුදල් සම්පාදනය වෙනුනේ මේ විට දේශීය ආදායම් දෙපාර්තමෙන්තුවට රුපියල් ට්රිලියනයක මුදලක් බදු ලෙස එකතු කර ගන්නා ලෙස දැනුම් දී ඇතැයි සඳහන් වේ.
