දිනසේන රතුගමගේ –
2023 වසර තුළ උතුරේ පුද්ගලයින් 139 කු විදේශ රටවලට යවන බව පවසමින් සංවිධානාත්මක පිරිස් විසින් රුපියල් කෝටි 254 ක මුදලක් වංචා කොට ඇතැයි උතුරු පළාත් බාර නියෝජ්ය පොලිස්පති කාර්යාලය සඳහන් කරයි.
මීට වඩා සිද්ධීන් ප්රමාණයක් එම වසර තුළ උතුරු පළාතේ සිදුව ඇතත් පොලිස් ස්ථාන වෙත පැමිණිලි ලැබී ඇත්තේ මෙම මුදල් ප්රමාණය සඳහා පමණක් බවද එම ආරංචි මාර්ග සඳහන් කළේය.
උතුරේ පොලීසිවලට ලැබී ඇති මෙම පැමිණිලිවලට අනුව යාපනයේ පොලීසි වෙත පැමිණිලි 44 ක් ලැබී ඇති අතර රුපියල් කෝටි 51 ක මුදලක් වංචා කිරීම වෙනුවෙන් පුද්ගලයින් 15 දෙනෙකු අත් අඩංගුවට ගෙන ඇත.
මන්නාරම දිස්ත්රික්කය තුළ රුපියල් කෝටි 49 ක මුදලක් වංචා වී ඇති අතර ඒ වෙනුවෙන් ලැබී ඇති පැමිණිලි 17ක් මත පුද්ගලයින් 8 දෙනෙකු අත් අඩංගුවට පත්ව තිබේ.
වවුනියාවේදී රුපියල් කෝටි 116ක මුදලක් පුද්ගලයින් විදෙස් රටවලට යැවීම සදහා ලබා ගෙන ඇති අතර ඒ සම්බන්ධයෙන් පොලීසි වෙත ලැබුණු පැමිණිලි 53 ක් සදහා පුද්ගලයින් 31 දෙනෙකු පොලීසිය විසින් අත් අඩංගුවට ගෙන ඇත.
මුලතිව් පොලිස් කලාපය තුළ රුපියල් කෝටි 33 ක වංචාවක් සිදුව ඇති අතර, ලැබුණු පැමිණිලි 20ක් මත සැකකරුවන් 13 දෙනෙකු අත්අඩංගුවට ගෙන තිබේ.
කිලිනොච්චිය පොලිස් බලප්රදේශයේ රුපියල් කෝටි 5ක වංචාවක් සිදුව ඇති බවට ලද පැමිණිලි 5ක් මත සැකකරුවන් 4 දෙනෙකු අත්අඩංගුවට ගෙන ඇති බව පොලීසිය පවසයි.
උතුරේ ජ්යෙෂ්ඨ පොලිස් නිලධාරීන් මහජනතාවගෙන් ඉල්ලා සිටින්නේ විදෙස් රටවලට යාම පිණිස ලබා දී ඇති මෙම මුදල් ආපසු ලබා ගනීම ඉතා අසීරු බැවින් මින් ඉදිරියට රජයේ ලියාපදිංචි නොමැති කවර හෝ ආයතනයටකට මුදල් ලබා දීමෙන් වළකින ලෙසය.
