නාමල් සර්ගේ කැමැත්තට පැමිණි බවත් තමන් කිසිවෙකුට මාරු කළ නොහැකි බවත් කියමින් හොර අරක්කු ඇල්ලූ සැරයන්වරයෙකුට තිත්ත කතාවෙන් බැණවදිමින් තර්ජනය කළ බෙලිඅත්ත පොලිස් ස්ථානාධිපති වහාම ක්රියාත්මකවන පරිදි කාර්ය භාර්යයක් නෙැමැතිව මහනුවර කොට්ඨාසය වෙත මාරු කර යැවීමට රාජ්ය සේවා කොමිෂන් සභාව කටයුතු කර තිබේ.
ඊ. එම්. අයි. බී. විජේරත්න නැමැති මෙම ප්රධාන පොලිස් පරීක්ෂකවරයා හිටපු අගමැතිවරයාගේ, නාමල් මන්ත්රීවරයාගේ, දේශපාලන හයිය තමන්ට ඇති බව පවසමින් හොර අරක්කු ඇල්ලූ පොලිස් සැරයන්වරයාට බැණවදින ආකාරය පිළිබඳ හඬ පටයක් පසුගිය දා සමාජ මාධ්ය ඔස්සේ සංසරණය වූයේය.
ඔහු පවසා සිටියේ හොර අරක්කු ලංකාවේ කොතැනකවත් අල්ලන්නේ නැති බවය. පොලිස්පතිවරයාත් එය දන්නා බවය.
එම හඬ පටය සමාජ මාධ්යය වෙත නිකුත් වීමෙන් අනතුරුව මෙම මෙහෙයුම සිදුකළ පොලිස් සැරයන්වරයා බෙලිඅත්තෙන් මොණරාගලටත්, අපරාධ අංශයේ ප්රධානියා ලෙස කටයුතු කළ ප්රධාන පොලිස් පරීක්ෂකවරයා ඇඹිලිපිටියටත් මාරු කර යැවිනි.
කෙසේ වෙතත් තමන් බෙලිඅත්තෙන් යන්නේ සහකාර පොලිස් අධිකාරීවරයෙක් වශයෙන් බව කී බෙලිඅත්ත පොලිස් ස්ථානාධිපතිවරයා වහාම ක්රියාත්මකවන පරිදි නුවරට ස්ථාන මාරුවක් ලබා දී තිබේ.
මේ කතාවත් බලන්න
