අල්කයිඩා සංවිධානයට මූල්ය පහසුකම් සැලසීම හේතුකොටගෙන ශ්රී ලංකා ව්යාපාරිකයෙකුගේ හා තුර්කි ව්යාපාරිකයෙකුගේ තම රට ඇති වත්කම් රාජසන්තක කරමින් ඔවුන්ගේ ගනුදෙනු ද තහනම් කිරීමට එක්සත් ජනපද භාණ්ඩාගාරයේ විදේශ වත්කම් පාලන කාර්යාලය අද කටයුතු කර තිබේ.
මෙලෙස අල්කයිඩා සංවිධානයේ දියුණුව වෙනුවෙන් මූල්ය පහසුකම් සලසන වරදකරුවෙකු ලෙස නම් කරන ලද අහ්මඩ් ලුක්මාන් තලිබ් හට ශ්රී ලාංකික ව්යාපාරිකයෙකු වන මොහොමඩ් ඉර්ෂාඩ් මොහොමඩ් හරීස් නිසාර් සහ තුර්කි ජාතිකයෙකු වන මුසාබ් ටර්ක්මන් විසින් සහයෝගය ලබා දී ඇතැයි හෙළි වී තිබේ.
බේරුවල පදිංචිකරුවෙක්වන ඉර්ෂාඩ් මොහොමඩ් හරීස් නිසාර් 2018 අවසන් භාගයේ සිට තලිබ්ගේ ව්යාපාරික සගයෙක් ලෙස කටයුතු කර ඇත. ඔහු ලංකාව මූලික කරගෙන ව්යාපාර සිදු කරයි. ඔහු තලිබ්ගේ නැදෑයෙකු ද වන බවත් ඔවුන්ගේ වසරක ලාභය ඩොලර් 200 000ක් බවත් එකස්ත ජනපද මූල්ය අංශ තහවුරු කර ඇත.
මේ වන විට තාලිබ් වෙනුවෙන් ද්රව්යමය වශයෙන් ආධාර කිරීම, මූල්යමය හෝ ද්රව්යමය වශයෙන් අනුග්රහය දැක්වීම, තාක්ෂණක සහය ලබා දීම හෝ භාණ්ඩ හෝ සේවා සැපයීම ද ශ්රී ලාංකික ව්යාපාරික මොහොමඩ් ඉර්ෂාඩ් මොහොමඩ් හරීස් නිසාර් ට තහනම් කර තිබේ.
භාණ්ඩාගාරය මෙම ක්රියාමාර්ගය ගනු ලබන්නේ අන්තර්ජාතිකව අල්කයිඩා සංවිධානයේ මූල්ය පහසුකම් හා මෙහෙයුම් කුමන්ත්රණ ජාලය තවදුරටත් අඩපණ කිරීමට බව භාණ්ඩාගාරයේ, ත්රස්තවාදය හා මූල්ය බුද්ධි අංශයේ උපලේකම් බ්රයන් ඊ නෙල්සන් පවසා තිබේ.
ත්රස්තවාදි කණ්ඩායම් හා ඔවුන්ගේ ආධාරකරුවන් ඉලක්ක කරන සංශෝධික විධායක නියෝග 13224ට යටතේ මෙම පුද්ගලයින් නම් කරනු ලබන බව එක්සත් ජනපද භාණ්ඩාගාර වෙබ් අඩවිය වාර්තා කරයි.
