2019 ලෝක කුසලාන අවසන් මහා තරගය අප කාටත් අමතක නොවන මතකයකි. ඒ තරම් තියුනු අවසන් මහා තරගයක් නොතිබුණා නොව ඒ තරම් අභව්ය සිදුවීම් සහිත අවසන් මහා තරගයක් යළි කිසිදාක ඇති වෙතැයි සිතෙන්නේත් නැත.
තරගයේ පිටියේ විනිසුරුවරුන් ලෙස කටයුතු කළේ කුමාර ධර්මසේන සහ Marais Erasmus, ය. Marais Erasmus පෙබරවාරි මාසයේ අන්තර්ජාතික ක්රිකට් විනිසුරුවරයෙක් ලෙස සිදුකළ භූමිකාවෙනුත්, මාර්තු මස අන්තර්ජාතික ක්රිකට් කවුන්සිලයේ ප්රභූ මණ්ඩලයෙනුත් විශ්රාම ගියේය. විශ්රාම ගිය Marais Erasmus දෙදිනකට පෙර මාධ්යයට බරපතල හෙළිදරව්වක් කලේය.
ඒ වර්ෂ 2019 ලෝක කුසලානය හිමිවිය යුතුව තිබුණේ එදා ලෝක ශූරයන් වූ එංගලන්තයට නොව නවසීලන්තයට බවය. එම වැරැද්ද සිදුවන්නේ ඒ වනවිට ප්රධාන විනිසුරුව සිටි කුමාර ධර්මසේන අතින් බව ඔහු හෙළිදරව් කර තිබුණේය.
Marais Erasmus කී කතාවට පසුබිම් වන සිද්ධිය වී මෙසේය. තරගයේ ජයග්රහණය සඳහා පිතිකරණයේ නියුතු එංගලන්ත කණ්ඩායමට ලකුණු 15ක් ලබා යුතුව තිබිණි. නවසීලන්ත කණ්ඩායම ලෝක කුසලානයක් මුල් වරට ජයග්රහණය කිරීමේ අභිලාෂයෙන් පසුවිය. අවසන් ඕවරය යවමින් සිටියේ නවසීලන්ත වේග පන්දු යවන ක්රීඩක Trent Boult ය.
පන්දුවට පහර දෙමින් සිටියේ Ben Stokes ය. අනෙක් අන්තයේ Adil Rashid ය. Ben Stokes ඕවරයේ මුහුණ දුන් පළමු පන්දු දෙක නිලකුණු පන්දු විය. තුන්වැනි පන්දුවට ලකුණු 06කි. සිව් වැනි පන්දුවට මුහුණ දෙමින් Ben Stokes පන්දුව මිඩ් විකට් කලාපයට යොමු කළේය. මිඩ් විකට්හි පන්දු රකිමින් සිටි Martin පන්දුව රැකගත්තේය. රැකගෙන කඩුල්ල වෙත යොමු කලේය. ඒ අවස්ථාවේ දී Guptill යොමු කළ පන්දුව කඩුලු අතර දුවමින් සිටි Ben Stokes ගේ පිත්තේ දැවටුනේය. පිත්තේ දැවටී හතරේ සීමාව ඉක්මවා ගියේය.
ඒ වනවිට එංගලන්ත පිතිකරුවන් ලකුණු දෙක්ක සඳහා පැති මාරුකරගෙන තිබිණි. ඒ අවස්ථාවේ දි ප්රධාන විනිසුරු කුමාර ධර්මසේන තීරණය කළේ පිතිකරුවන් කඩුලු අතර දිවීමෙන් ලබා ගත් ලකුණු 2 සහ පන්දුව හතරේ සීමාව ඉක්මවා යෑමෙන් ලැබුණු ලකුණු 4 සහිතව ඔවුන් ලකුණු 06ක් ලබා ගත් බවය.
ඒ තීරණයත් සමග කන්ඩායම් දෙකේම ලකුණු සම විය. සුපිරි පන්දු ඕවරයට යෑමට සිදුවිය. සුපිරි පන්දු ඕවරයේ ලකුණු ගණන ද සම විය. තරගයේ වැඩිම හයේ සහ හතරේ පහර එකතුව එල්ල කළ කණ්ඩායමට ජයග්රහණය ලබා දීමට තීරණය විය. එම තීරණය අනුව 2019 ක්රිකට් ලෝක කුසලානය එංගලන්තය විසින් දිනා ගත්තේය.
Marais Erasmus විසින් The Telegraph වෙත කළ විශේෂ හෙළිදරව්වෙන් කියැවුනේ මේ ජයග්රහණය නවසීලන්තයට නොලැබී එංගලන්තයට ලැබුනේ විනිසුරුවරුන් අතින් සිදුවූ නිවැරදි කල නොහැකි වැරැද්දක ප්රතිඵළයක් ලෙස බවය.
“ ඒ මොහොතේ කුමාර ධර්මසේනට අත් වැරදීමක් සිදුවෙලා තිබුණා. MCC නීති පොතේ 19.8 නීතිය පවසන්නේ මෙහෙමයි. මේ වගේ අවස්ථාවක පිතිකරුවන් ලකුණ සම්පූර්ණ කළ බව සැලකෙන්නේ පන්දු රකින්නාගේ අතින් පන්දුව ගිළිහෙන අවස්ථාවේ පිතිකරුවන් දෙදෙනා පැතිමාරු කරගෙන සිටියහොත් පමණයි. නමුත් මේ පුනරූපණවලින් පැහැදිලිම පෙනුන දේ තමයි Martin අතින් පන්දුව ගිලිහෙන විට ඔවුන් දෙවැනි ලකුණ සම්පූර්ණ කරගෙන නොසිටි බව. ඒ කියන්නේ ලබාගෙන තිබුණ හරි ලකුණු ගණන 06 නොවෙයි. ලකුණු පහයි.”
එනම් මේ තරගයේ ලකුණු නොවන බවය. තරගය නවසීලන්තය ජයග්රහණය සහිතව අවසන්වන බවය.
Erasmus ද ටෙලිග්රාෆ් වෙත මෙසේ පැවසීය: “පසුදා උදෑසන මම උදේ ආහාරය ගැනීමට යන්න මගෙ කාමරයේ දොර විවෘත කළා. ඒ අවස්ථාවේදිම කුමාර ඔහුගේ දොර විවර කළා. ඔහු මගෙන් මෙහෙම ඇහුවා.
, ‘අපි විශාල වැරැද්දක් කර ඇති බව ඔබ දුටුවාද?’
“ මා එය දැනගත්තේ එවිටයි. නමුත් පිට්ටනියේ මේ මොහොතේ, අපි ලකුණු හයක් කිව්වා, “
නවසීලන්තය සතු විය යුතුව තිබූ ලෝක කුසලානය අවාසනාවන්ත ලෙස ඔවුන්ගෙන් ගිලිහී ගියේ එසේය. .
