පැවතුන දේශපාලන සංස්කෘතිය වෙනස් කිරීම සඳහා සදාචාරාත්මක මැදිහත්වීම කරන්නට රජය කැප වන බවත්, බිඳ වැටී ඇති අධ්යාත්මයක් සහිත සමාජය යළි ගොඩනැගීමට ගම් නියම්ගම්වල සැරිසරමින් සිය ඓතිහාසික වගකීම ඉටු කරන්නට සංඝරත්නයට ආරාධනා කරන බවත් ජනාධිපති අනුර කුමාර දිසානායක පැවසුවේය.
ඔහු පෙන්වා දුන්නේ ලෙඩ්ඩුන්ට ඇති ඖෂධ ටික ලක්ෂ ගණන් ලාභ ලබන වෛද්යවරුන් සිටීනම්, පණ අදින ලෙඩුන් සඳහා ලබා දෙන ඖෂධ ලෙසින් ලුණු දියර අලෙවි කළ හැකි බලධාරීන් සිටීනම් ඒ සමාජයේ අධ්යාත්මය ඇත්තේ කොතැනදැයි ගැටලුවක් මතුවන බවය.
පිරිහුන සමාජය යළි ගොනැගීම සඳහා වූ අධ්යාත්මික පදනම නිර්මාණය කරගැනීමට මහා සංඝයාට ගම් නියම්ගම්වල සැරිසරන ලෙසත් අවශ්ය ආරක්ෂාව සහ පහසුකම් රජය විසින් සම්පාදනය කිරීමට පොරොන්දුවන බවත් ජනපතිවරයා පැවසුවේය.
ඔහු මේ බව පැවසුවේ ඊයේ කුරුණෑගල ඓතිහාසික ඇත්කඳ රජමහා විහාරයේ ශ්රී දළදා පොසොන් පෙරහැර මංගල්යය ශතක සංවත්සර සමාරම්භක උත්සවය ට එක් වෙමිනි.
ජනාධිපතිවරයා කීවේ මෙවැන්නකි.
“අපේ බෞද්ධ දහමේ බලය නොනැසී දිගු කාලයක් පවතින්නේ ඒ දහමේ තිබෙන බලයත්, ඒ වගේම ඒ දහම මත ගොඩනැගුන සංස්කෘතියත් නිසා. ඒ නිසා තමයි මේ දහම මේ තරම් කාලයක් නොනැසී පැවතුනේ. අපේ යතිවරයානන් වහන්සේලා ගම් බිම් කරා වැඩම කරමින් මෙහි තිබෙන හරය මෙහි තිබෙන ගැඹුර මෙහි තියන සමාජමය වටිනාකම් ඇති තරම් දේශනා කරලා තියනවා. ඒ දේශනාවල බලයෙන් ඒ දේශනාවල හරයෙන් තමයි අපට අපේම වූ සංස්කෘතියක් නිර්මාණය වුනේ.
අපේ සංස්කෘතිය ඉතාම බලවත් කරුණුවලින් හෙබවිලා තිබුණා. ඒ නිසා සමාජයක් අධ්යාත්මික සමාජයක්බවට පරිවර්තනය කරනකොට ඒ සමාජයේ අක්මුල් බැහැගත්තු ඓතිහාසික උරුමයන් තියනවා.
සමාජයක් සදාචාරාත්මක භාවයට පත් වන්නේ නීතියෙන් පමණක් නොවෙයි. රීතියෙන් පමණක් නොවෙයි. සමාජයක් සදාචාරාත්මක භාවයට පත් වන්නේ අධ්යාත්මයෙන්. එහෙනම් වැදගත් වන්නේ මොකක් ද?. වැදගත් වන්නේ ඒ සමාජය මොන තරම් ප්රමාණයකින් අධ්යාත්මිකව දියුණු වෙනවා ද කියන සාධකය.
එවැනි ඓතිහාසික උරුමයක් තියන සමාජයක් අද පත් වී තිබෙන ඉරණම කුමක් ද කියලා අපි තේරුම් ගන්න ඕන. ලෙඩ්ඩුන්ට දෙන්න තියන ඖෂධය ලක්ෂ ගණනින් විකුණන වෛද්යවරු බිහි වෙනවා නම්, රෝගියෙකුට දෙන ඉන්ජක්ෂන් එකකට ළුණු ඇතුළු කරලා ඉනේජෙක්ෂන් ගන්න පුලුවන් නම්, අපේ හාමුදුරුවන් වහන්ස … අවුරුදු 2300කටත් අධික කාලයක් ඔබවහනසේලා විසින් දේශනා කරන ලද ධර්මයේ ඵලය මොකක්ද කියලා මම
ආර්ථික දත්තවලින් ආර්ථිකය නිවැරදි වෙනවා කියලා කියන්න පුලුවන්. අපට විදෙස් දංචිත ශක්තිමත් කරන්න පුලුවන්. අපි උපරිම උත්සාහ කරනවා ලංකාව වැඩිම අපනයන ආදායම් සහිත අවුරුද්ද බවට පත් වෙනවා. නතර වෙලා තියන කටුනායක ව්යාපෘතිය අපට පටන් ගන්න පුලුවන්. නතරවෙලා තියන අධිවේගී මාර්ග අපට පටන් ගන්න පුලුවන්. දත්ත ඉදිකිරීම් අපට පෙන්වන්න පුලුවන්. නමුත් පිරිහුණ සමාජයකට, අධ්යාත්මය කඩා වැටුණු සමාජයකට භෞතික සම්පත් ගොඩනැගීමෙන් කිසිම පලක් නෑ.
අපි අපේ හාමුදරුවන් වහන්සේලාට පොරොන්දු වෙනවා. මේ ව්යසනය අපේ රටට ඇ.ති කළේ මුදුනේ සිටයි. අපි එකක් මේ සමාජයට පොරොන්දු වෙනවා. එකක් දේශපාලන අධිකාරිය ලෙස ඊට අදාලවන සදාචාරාත්මක මැදිහත්වීම කරන්නම්. නීතියෙන් පුලුවන්, දඬුවම් දී පුලුවන්. බන්ධනාගාරගත කර පුලුවන්. හැබැයි සියල්ල බෑ.”;
ජනාධිපතිවරයා කීවේය.
