සමන්තිකා වීරවර්ධන –
කොවිඩ් තුන්වන රැල්ලක් තුළ දැඩිසත්කාර ඒකකයන් වෙත ඇතුළත් කරන රෝගීන් සඳහා ඔක්සිජන් අඩුවකින් තොරව සපයා ගැනීම සඳහා අවශ්ය නළ පද්ධතිය සකස් කිරීම ආරම්භ කර ඇතැයි සෞඛ්ය අමාත්යංශයේ නියෝජ්ය අධ්යක්ෂ ජනරාල් (වෛද්ය සේවා ) ජී.විජේසූරිය සඳහන් කරයි.
මේ වන විටත් එම ඒකකයන්වලට අවශ්ය ඔක්සිජන් පහසුකම් ලබාදෙන යන්ත්ර හා ඔක්සිජන් බට, කෘතීම ශ්වසනය ලබා දෙන යන්ත්රයන් සූදානම් කිරීම ආරම්භ කර ඇතැයි ජී.විජේසූරිය මහතා සදහන් කරයි.
කොරෝනා තුන්වන රැල්ලක අවදානමක් මතුවෙමින් තිබෙන අතර මෙවර තරුණ කණ්ඩායම්වලට වලට දැඩි බලපෑමක් එල්ල වෙමින් තිබෙන අතර දැඩි සත්කාරයන්ට ඇතුළත් කරන පිරිස වැඩිවෙමින් පවතින බවද නියෝජ්ය අධ්යක්ෂ ජනරාල්වරයා පැවසීය.
අයිඩීඑච් රෝහල, හෝමාගම රෝහල , තෙල්දෙණිය රෝහල , මුල්ලේරියා රෝහල, කොතලාවල රෝහල හැරුණු කොට තවත් රෝහල් සොයා දැඩිසත්කා ඒකක දැඩිසත්කාර එකකයන් සූදානම් කිරීම මේ වන විටත් තීරණය කර ඇතැයි වෛද්ය විජේසූරිය මහතා සඳහන් කළේය.
උණ, කැස්ස, සෙම්ප්රතිශ්යාව, උගුරේ වේදනාව හා අතීසාරය වැනි රෝග ලක්ෂණ පවතින්නේ නම් වහාම ලගම ඇති රජයේ රෝහලක් වෙත ගොස් පිසීආර් පරික්ෂාවක් කර ගන්නා ලෙසද ඉල්ලා සිටියි.
කෙසේ නමුත් සෞඛ්ය අමාත්යංශයෙන් ලබා දුන් උපදෙස් අකුරටම පිලිපදිමින් කටයුතු කරන්නැයි සමස්ත ජනතාවගෙන් අධ්යක්ෂ ජනරාල්වරයා ඉල්ලා සිටියි.
