ගනේවත්ත, තිත්තවැල්ගාල ප්රදේශය තුළ කොවිඩ් වෛරසය පැතිර යෑම ප්රදේශයේ ගව මස් අලෙවි සලක් හරහා සිදුවන්නට ඇතැති ප්රදේශයේ සෞඛ්ය අංශ නිලධාරීහු සැක පහළ කරති.
ගනේවත්ත සෞඛ්යය වෛද්ය නිලධාරී කාර්යාලයේ නිලධාරියෙක් පැවසුවේ තිත්තවැල්ගලා ප්රදේශයේ ගවමස් අලෙවිසලක් පවත්වාගෙන යන පුද්ගලයෙකුට පළමු කොවිඩ් ආසාදනය වී හඳුනාගත් බවය.
පසුව එම ප්රදේශය පුරා සිදුකළ අහඹු පී.සී.ආර්. පරීක්ෂාවලින් එම ප්රදේශය හා ඊට යාබද පරගොල්ල ගම්මානයේ ද පිරිසකට කොවිඩ් වෛරසය ආදාසනය වී ඇති බවට තහවුරු වූ බව ද ඔහු කීවේය.
ඊයේ (21) දින වනවිට ගනේවත්ත සහ තිත්තවැල්ගාල ප්රදේශයේ රෝගීන් 150කට වැඩි පිරිසක් හමුවී තිබිණි.
තිත්තවැල්ගාල ප්රදේශය ගව මස් ඇතුළු සත්ව මාංශ වෙළෙඳාමට විශාල ප්රසිද්ධියක් උසුලන බැවින් එම ප්රදේශයෙන් මස් වර්ග මිලදී ගැනීමට විවිධ ප්රදේශවලින් පාරිභෝගිකයන් සහ වෙළෙඳන් පැමිණෙන බව ගනේවත් සෞඛ්ය වෛද්ය නිලධාරී කාර්යාලය පවසයි.
ගනේවත්ත සෞඛ්ය වෛද්ය නිලධාරී කාර්යාල බලප්රදේශයේ පිහිටි පරගොල්ල හා තිත්තවැල්ගාල ප්රදේශවලින් කොවිඩ් රෝගීන් විශාල වශයෙන් හමුවීම නිසා එම ප්රෙද්ශ හුදකලා කිරීමට ජාතික කොවිඩ් මර්ධන මධ්යස්ථානය පියවර ගනු ලැබුවේය.
