ශ්රී ලංකාව චීනය සමඟ ඇති ණය ගැටලුව විසඳා ගතයුතු ආකාරය පිළිබඳ චීන රජය ලංකාවට දන්වා ඇති බවත්, දැන් පන්දුව ඇත්තේ චීනයේ නොව ශ්රී ලංකාවේ බවත්, කොළඹ චීන තානාපති කාර්යාල ප්රකාශකයෙක් ඩේලි මිරර් පුවත්පතට පවසා ඇත.
එම පුවත්පත කළ විමසීමකදී ප්රකාශකයා පවසා ඇත්තේ චීන අග්රාමාත්ය ලී කෙකියන් ශ්රී ලංකාවේ හිටපු අග්රාමාත්ය මහින්ද රාජපක්ෂට මෙම ණය අර්බුදය විසඳා ගත යුතු අයුරු පිළිබඳ සිය යෝජනාව හා ස්ථාවරය දන්වා ඇති බවයි. එහෙත් ශ්රී ලංකාව මේ සම්බන්ධයේන කිසිදු ප්රතිචාරයක් දක්වා නැති බව ද ඔහු පවසා තිබේ.
තානාපති ප්රකාශකයා තවදුරටත් පවසා ඇත්තේ ලංකාව චීනයට පවතින ණය අර්බුදය සම්බන්ධයෙන් ණය ලබාදුන් චීන බැංකුවලට කෙසේ ක්රියාකළ යුතු ද යන්න පිළිබඳ එරට රජයෙන් උපදෙස් දී ඇති බවයි. එහෙත් ඒ සඳහා ශ්රී ලංකා පාර්ශවයෙන් කළ යුතු දේ ගැන මේ වෙනතෙක් ප්රගතියක් ඇත්ව නැතිබව හෙතෙම පවසා ඇත.
ශ්රී ලංකාව, මෙහිදී කළ යුත්තේ කුමක්ද පිළිබඳ ඔහු අනාවරණය කර නැති අතර එසේ කළ යුතු ආකාරය පිළිබඳව මහින්ද රාජපක්ෂව දැනුවත් කර ඇති බව පමණක් පවසා තිබේ.
චීන තානාපති ප්රකාශකයා මෙම අනාවරණය කර ඇත්තේ පසුගියදා ජනාධිපති රනිල් වික්රමසිංහ ජපාන නික්කෙයි ඒෂියා වෙබ් අඩවියට සම්මුඛ සාකච්ඡාවක් ලබා දෙමින් පවතින ආර්ථික අර්බුදය හමුවේ ලංකාවට වැඩිම ණය ලබා දි ඇති රට ලෙස චීනය එම ණය සම්බන්ධයෙන් කෙසේ ක්රියා කළ යුතුදැයි යන්න පිළිබඳ කළ ප්රකාශයට, ප්රතිචාර වශයෙනි.
