වත්මන් ආණ්ඩුක්රම ව්යවස්ථාවට අනුව ජනාධිපතිවරයාගේ නිල ධුර කාලය වසර 05 ක් බව පැහැදිලි බවත් අදාළ පෙත්සම නිෂ්ප්රභ කරන ලෙස ඉල්ලා මූලික විරෝධතා මතු කරන බවත් නීතිපතිවරයා අද (08) අධිකරණයට දැනුම් දුන්නේය.
ජනාධිපතිවරයාගේ නිල කාලය සම්බන්ධ පෙත්සම අද (08) කැඳවනු ලැබූ අවස්ථාවේදී නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජනරාල් කනිෂ්කා ද සිල්වා මෙම දැනුම් දීම සිදු කළාය.
වත්මන් ජනාධිපතිවරයාගේ නිල කාලය අවසන් වන දිනය සම්බන්ධයෙන් අර්ථ නිරූපණයක් ලබාදෙන තුරු දැනට සැලසුම් කෙරෙමින් පවතින පරිදි ජනාධිපතිවරණය පැවැත්වීම වැළැක්වීමේ නියෝගයක් නිකුත් කරන මෙන් ඉල්ලා ගොනුකර ඇති මූලික අයිතිවාසිකම් පෙත්සම සලකා බැලීම ශ්රේෂ්ඨාධිකරණය හමුවේ කැඳවූ අවස්ථාවේ දී නීතිපතිවරයා විසින් මේ බව අධිකරණයට දැනුම් දුන්නේය.
