රටපුරා සිදුවන ගෑස් පිපිරීම් හේතුවෙන් වින්දිතයින් බවට පත්වන සියලු දෙනා වෙනුවෙන් සමගි ජන බලවේගය නොමිලේ නීති සහය ලබාදෙන බවත් ඒ උදෙසා විපක්ෂ නායක කාර්යාලය සූදානම් බවත් විපක්ෂ නායක සජිත් ප්රේමදාස මහතා පැවසීය.
ප්රමිතියක් නැති ආණ්ඩුවක් තියෙන රටකින් ප්රමිතිගත දෙයක් බලාපොරොත්තු වෙන්නට බැරි බවත් කළයුත්තේ ප්රමිතිය නැති පාලනය ඉවත් කිරීම බවත් විපක්ෂ නායකවරයා කියාසිටී.
බාල ප්රමිතියෙන් යුතු පොහොර ගෙන්වීමෙන් අද වන විට රට මහා විනාශයකට තල්ලු වී ඇති බව පැවසූ විපක්ෂ නායකවරයා රටේ ආර්ථිකයත් ගොවි ජනතාවගේ ජීවිතත් ආණ්ඩුව විසින් අනතුරකට හෙලා ඇතැයිද පැවසීය.
විපක්ෂ නායකවරයා මේ බව පැවසුවේ අද(14)විපක්ෂ නායක කාර්යාලයේදී ය.
ඒ මහතා මෙසේද කීය.
“දිනෙන් දින දුර්වල ආණ්ඩුවේ බාල ප්රතිපත්ති නිසා රටේ ජනතාව විපතට පත් වෙනවා. ගෑස් පිපිරීම්වලට කිසිදු උත්තරයක් රජයේ ලබාදෙන්නේ නැහැ. ගෑස් පිපිරීම් තුළ අද ජීවිත අහිමි වෙලා තියෙනවා. දරුවෝ හතර දෙනෙකුට අම්මා කෙනෙක් නැති වෙලා. ස්වාමි පුරුෂයකුට භාර්යාවක් නැතිවෙලා.
මෙහි ඉදිරියේ පාරිභෝගික කටයුතු භාර ඇමතිවරු ජනතාව මග හරිමින් සිටිනවා. අහන ප්රශ්න වලට උත්තර දෙන්න බැහැ. මේ ගෑස් පිපිරීම් වලට ආණ්ඩුවට දෙන්න පුළුවන් එකම විසඳුම කොමිටි පත්කිරීමද? ප්රශ්නවලින් පලා යෑමද? කවුද මේ ජීවිතවලට වගකියන්නේ? අද වන විට මේ ආණ්ඩුවට බැරි බැරිවෙලා තිබෙනවා ගෑස් පිපිරීම් ප්රශ්නයට විධිමත් විසඳුමක් ලබා දෙන්න. විධිමත් උත්තරයක් ලබා දෙන්න. හැබැයි ආණ්ඩුවට හැකියාව ලැබිලා තියෙනවා බාල පොහොර ලබාදුන්න කම්පැනියකට රුපියල් ලක්ෂ දහතුන් දහස් පන්සිය විස්සක් රටේ සල්ලි වලින්, ජනතාවගේ සල්ලි වලින්, ගෙවන්න.
රජය ප්රතිපත්තිමය තීන්දුවකට ඇවිල්ල තියෙනව බාල පොහොර එවපු කොම්පැනියකට මේ රටේ බදු ගෙවන්නන්ගේ සල්ලි වලින් මේ සා විශාල මුදලක් කැප කරන්න. එතකොට මං අහන්න කැමතියි. අර ජීවිතය අහිමි වුණු පවුලට කොපමණ මුදලක් කැප කරන්නට ආණ්ඩුව ලැහැස්තිද? මේ වන විට ගෑස් පිපිරීම් හයසියයකට අධික ප්රමාණයක් වාර්තා වෙලා තියෙනවා. මොනවද මේ ඇත්තන්ට ලබා දෙන වන්දි ? ගෑස් මගඩිය ඉදිරියේ, ගෑස් ඛේදවාචකය ඉදිරියේ අපේ රටේ අහිංසක රට රටේ ජනතාවගේ ජීවිත අහිමි වෙනකොට ආණ්ඩුව කරන්නේ අහක බලා ගන්න එක.
සමගි ජන බලවේගය අපි මේ ගෑස් පිපිරීම් සිදු වූ සෑම පාරිභෝගිකයෙක් වෙනුවෙන් නොමිලේ නීති සහයෝගය ලබා දීලා මේ ආයතන අධිකරණයට ගෙන ගොස් තමුන්නාන්සේලාට සිදු වූ සිදුවූ පාඩුවට වන්දි ලබා ගැනීම සඳහා නොමිලේ නීති සහාය ලබාදීමට සමගි ජන ජනබලවේගයේ අපි සූදානම් බව මේ අවස්ථාවේදී ප්රකාශ කරනවා. එම නිසා කාරුණිකව අපගේ පක්ෂ මූලස්ථානයට මේ මහා ඛේදවාචකයට මුහුණ දෙන්නට සිදු වූ, ඒ ගෑස් පිපිරීම් සිදු වූ සියලුම දෙදෙනාගේ තොරතුරු දත්ත අප පක්ෂ මූලස්ථානය වෙත ලබා දෙන්නට කටයුතු කරන්න.
අප අනිවාර්යයෙන්ම ඔබ වෙනුවෙන් නොමිලේ නීති සහය ලබා දීලා, ඔබට සිදු වූ හානිය වෙනුවෙන් වන්දියක් ලබා දීමේ නීති නීති මේ සටනට අපේ ශක්තිය එකතු කරන්නට අප සූදානම්. අද වන විට ගොවියා අනාථ වෙලා. හරියාකාරව පොහොර ටික ලැබෙන්නේ නැහැ.
යූරියා මෙට්ට්රික් ටොන් එකක මිල ඇමෙරිකානු ඩොලර් 394 සිට දාහතක් ම වැඩි වෙලා. ඒ කියන්නේ කිලෝ 50 ක පොහොර මිටියක් පොහොර බෑග් එකක් අඩුම තරමේ රුපියල් 12,000 කට වැඩියි. ආණ්ඩුව ඉවත් වෙලා තිබෙනවා මේ පොහොර ලබා ලබාදීමේ ක්රියාවලියෙන්.
රසායනික පොහොර ගෙන්නන්නනන් පෞද්ගලික ආයතන හරහා ගෙන්නන්නලු. මොකක්ද මේ ආණ්ඩුව කරන්නේ? මොකක්ද මේ රජය කරන්නේ? හිතාමතාම ගොවීන්ට කියනවා. රසායනික පොහොර භාවිතා කරනවනම්, සූදානම් වන්න කිලෝ පනහේ මිටියට රුපියල් දොළොස්දාහක්, දහතුන් දහසක් පමණ ගෙවන්න.
මේක කරන්න හිතාමතාම ගොවියා විනාස කරන වැඩසටහනකට ප්රවේශවීමට. කාලය එළඹිලා තිබෙනවා මේ ආණ්ඩුවට සිහි සිහි බුද්ධියෙන් කටයුතු කරන්න. මානුෂීයත්වය ට මුල්තැනදී මුල් තැන දී වැඩ කටයුතු ක්රියාත්මක කරන්න. මනුස්සකමට මුල් තැන ලබා දීලා කටයුතු කරන්න.
කරුණාකරලා ආණ්ඩුවේ මැදිහත් වීමෙන් සුපුරුදු පරිදි සහනාධාර පොහොර ලබා දෙන්න. ගොවියෙකු ට පොහොර මිටියක් වෙනුවෙන් රුපියල් 12,000 ක් දහතුන් දාහක් කැප කරන්නට බැහැ. ඒ ආර්ථික ශක්තිය අපේ රටේ ගොවියට නැහැ. මේ හදන්නේ ගොවියා බංකොලොත් කරන්න. මේ හදන්නේ ගොවියා දිලිඳුභාවයේ යටටම දමන්න. මේ හදන්නේ ගොවියා මරණ මංචකයට අරන් යන්න.
මෙවන් අමානුෂීය තීන්දු ගන්න එපැයි කියලා මම රජයෙන් ඉල්ලීමක් කරනවා. නැනෝ පොහොර ලබාදීම තුළින් ගොවියට ඉමහත් හානියක් සිද්ධ වෙලා. ප්රමිතියෙන් බාල පොහොර. ගෑස් පිපිරෙනවා වගේම පොහොරත් පිපිරෙන්න පටන් අරන්. අස්වැන්න අඩු වෙලා. වගාව බාල වෙලා.
අර බාල පොහොර කොම්පැනියට ලක්ෂ 13,520 රටේ ජනතාවගේ බදු ගෙවන්නන්ගේ සල්ලිවලින් කැපකරලා වගා පාළුවට ලකුණු ගොවියට ලබාදෙන වන්දිය කීයද? ඒ සඳහා සඳහා වෙන් කරපු මුදල කීයද? අපි අහන්න කැමතියි. කවුද ප්රමිතියෙන් බාල ගෑස් සිලින්ඩර වෙළඳපලට නිකුත් කරන්නට නියෝගය නියෝග ලබා දුන්නේ? කවුද බියුටේන් , ප්රෝපේන් සංයුතියෙන් නිසියාකාරව පවත්වාගෙන යන්නේ නැතිව වැරදි මිශ්රණයක් සහිත ගෑස් වෙළඳපලට නිකුත් කරේ?
කවුද ඉතැලින් නිකැප්ටින් ප්රමාණය ප්රමාණවත්ව නොතිබුණු සිලින්ඩර වලට වෙනත් ආයතනවලින් මුදලට ඉතැලින් නිකැප්ටින් අරගෙන මිශ්රණය කරලා, කාටවත් නොදන්වා වෙළඳපලට නිකුත් කරන්නට කවුද ඒ තීන්දුව ගත්තේ?
කවුද මේ පිපිරීම් තුළින් සිදුවෙන හානියට වග කියන්නේ? කාගේ අනුදැනුම ඇතිව ද මේ බාල සිලින්ඩර පාරිභෝගිකයාට ලබා දුන්නේ? මේක පිළිබඳ පරීක්ෂණයක් කරන්න ඕනි. පරීක්ෂණයක් ආරම්භ කරල තිබෙනවාද? වැරදිකරුවන්ට දෙන දඬුවම කුමක්ද?
ගෑස් පිපිරීමට ලබාදෙන වන්දිය මොකක්ද? බොහොම උනන්දුවෙන් අර බාල පොහොර ගෙනාපු කොම්පැනියට ලක්ෂ ගණනාවක් මේ රටේ ජනතාවගේ සල්ලි කැප කරනවා. හැබැයි ගෑස් පිපිරීම් වලට කොච්චර මුදලක් වෙන් කරල ද? කොච්චර සහනයක් ලබා දෙනවාද? අර අම්මා කෙනෙක් අහිමිවුණු පවුලට මොකක්ද දෙන වන්දිය? ඒ ජීවිත හානිය මුදලින් පිරිමහ ගන්න බෑ. නමුත් දරු හතරක් අනාථයි. ඒ දරුවෝ හතර දෙනාට අම්මා නැති වුණා.
මේ දුක ආණ්ඩුවට තේරෙන්නේ නැද්ද?
අද මේ ගෑස් ක්රියාවලිය , මේ ආණ්ඩුව ක්රියාත්මක කරන මේ වැඩපිළිවෙළ ඇත්ත වශයෙන්ම සාපරාධී ක්රියාවක් බවට පත්වෙලා තියෙනවා. ඇමැතිවරයා කියනවා අලුතෙන් ප්ලාස්ටික් ලේබල් ගහලා ලු මේ සිලින්ඩර නිකුත් කරන්නේ.
නමුත් මොකක්ද සිද්ද වෙන්නේ?
ලේබල් කරපු ගෑස් සිලින්ඩරුත් පිපිරෙනවා, වගකියන්න කවුරුත් නෑ. කොමිටි පත්කරලා කොමිටි වල නිර්දේශත් නෑ. කොමිටි වල නිර්දේශ එනකං මේ රටේ ජනතාව බලාගෙන ඉන්න ඕනේ ගෑස් පරිභෝජනයෙන් ඉවත් වෙන්න.
මං අහන්න කැමතියි මේකද පරිණත ආණ්ඩුව? මේක ද රටට ලබා දෙනවයි කිව්ව වියත් පාලනය? ඉතාමත්ම පැහැදිලියි අද ආණ්ඩුවත් ප්රමිතියෙන් තොරයි. ආණ්ඩුව මෙහෙය වන සියලුම දෙනාත් ප්රමිතියෙන් තොරයි. පාර්ලිමේන්තුව නියෝජනය කරන ආණ්ඩුවේ සියලුම දෙනාත් ප්රමිතියෙන් තොරයි.
පොහොරත් ප්රමිතියෙන් තොරයි. ගෑසුත් ප්රමිතියෙන් තොරයි. ලබාදෙන ජනතා සේවාවන් ප්රමිතියෙන් තොරයි. කාලය එළැඹිලා තිබෙන්නේ ප්රමිතියෙන් තොර ආණ්ඩුව ගෙදර යවන්න. තවදුරටත් ජන සමාජය විනාශ වෙනකම් බලන් ඉන්නට බැහැ . රට බංකොලොත් වෙනකම් බලාගෙන ඉන්නට බැහැ. අපේ ඇස් ඉදිරියේ රට කඩා වැටෙනවා. ආර්ථිකය කඩා වැටෙනවා. කිසිම ප්රශ්නයකට විසඳුමක් නැහැ. වගකීමෙන් කියනවා. සමගි ජන බලවේගයේ පැහැදිලි, ප්රායෝගික විසඳුම් තිබෙනවා. අපි සූදානම් මේ ප්රශ්න වලට විසඳුම් ලබා දෙන්න”. යැයිද විපක්ෂ නායකවරයා කීය.
