යළිත් ශ්රී ලංකාව අප්රසන්න පරාජයක වේදනාව අත් විඳිමිනි. ඇෆ්ගනිස්ථානය හමුවේ අපි ලකුණු 60කින් පරාදය.
අපේ ක්රීඩා පිටිවල අපේ නරඹන්නන් අභියස ඇෆ්ගනිස්ථානය අභියස මෙවැනි විලි ලජ්ජා නැති පරාජයකට මුහුණ දෙන්න්ට සිදුවනු ඇතැයි අපේ ක්රීඩා ලෝලීන් කල්පනා කළේ නැත.
අපේක්ෂාව ජයග්රහණයම නොවේ. එහෙත් පරාජය සඳහා සධාරණ ප්රකාශනයක් මෙන්ම ගෞරවයක් තිබිය යුතුය. ශ්රී ලංකා කණ්ඩායම පරාජය වන්නේ එක්දින තරගයට නියමිත පන්දු ඕවර 50 ක්රීඩා කිරීමට නොහැකි වූ අසමත් කණ්ඩායමක් ලෙසය. ලකුණු 60 දැවැන්ත අන්තරයකින් පහසුවෙන් බිඳ වැටෙන දුර්වලයන් ලෙසය. යලිත් අප දකින්නේ ඒක මිතියක් නැති විසිරුණු කණ්ඩායමකි.
දෙවියන් ක්රිකට් ගහන්නට එන්නේ නැත. පන්දුවට පහර දිය යුත්තේ අපම බව මේ තරගයේ දී දෙවියන් විසින්ම කියා දි ඇතැයි විශ්වාස කරමු.
තරගයේ කාසියේ වාසිය දිනා පළමුවෙන් පන්දුවට පහරදුන් ඇෆ්ගනිස්තාන කණ්ඩායම නියමිත පන්දුවාර 50 අවසානයේ කඩුළු 08ක් දැවී මුළු ලකුණු 294ක් රැස් කළේය.
ඊබ්රහීම් සද්රාන් ලකුණු 106ක්, රහ්මනුල්ලා ගුර්බාස් ලකුණු 53ක්, රහ්මාඩ් ෂා ලකුණු 52ක් ලැබුවේය.
ඒ අනුව තරගය ජයගැනීම සඳහා ශ්රී ලංකා පිතිකරුවන්ට ලකුණු 295ක ඉලක්කයක් හිමි වී තිබිණි.
ශ්රී ලංකා පිතිකරණයම පැතුම් සහ වනිඳුය. හතරේ පහර 10ක් සමග පන්දු 83ක දී ඔහු ලකුණු 85ක් ලැබුවේය.
වනිඳු පන්දු 46ක දි ලකුණු 66ක් ලැබුවේය. ඒ හතරේ පහර 10ක් සහ හයේ පහර 02ක් සමගිනි.
වෙන එක් ක්රීඩකයෙක්වත් ලකුණු 20ක් ලබා ගත්තෙ නැත. ඔවුන් දෙදෙනාගෙන් පසු වැඩිම වර්තාවන වැඩිම ලකුණ 16 ය. පන්දු ඕවර 38ක් තුළ සියල්ලන්ම ලකුණු 234කට දැවී ගොස්ය.
ශ්රී ලංකාව ලකුණු 60කින් පරාදය.
ඇෆ්ගනිස්ථානය වෙනුවෙන් විශිෂ්ට පන්දු යැවීමක නිරත වෙමින් ෆසාල්හක් ෆාරුකී ලකුනු 49කට කඩුළු 04ක්, ගුල්බඩීන් නබි ලකුණු 34ට කඩුළු 03ක්, යමින් අහමඩ්සායි ලකුණු 46කට කඩුළු 02ක් බිඳ හෙළුවේය. රෂීඩ් ඛාන් ලකුණු 40කට 1 කඩුල්ලක් ලැබුවේය.
මිත්යාව, සූදුව, උද්දච්ඡකම, සල්ලාලකම ක්රිකට් අභිබවා ගිය සෑම අවස්තාවකම රට පැරදුනේය. යළිත් කියන්නට ඇත්තේ ක්රිකට් යනු සෙල්ලමක් නොවන බවය. විශේෂයෙන්ම එය මේ මොහොතේ මේ රටේ මිනිස්සුන්ට ඇති එකම ජයග්රාහී බලාපොරොත්තුව බව ලියා තැබිය යුතුය.
