ශ්රියානි විජේසිංහ
ඉන්ෆ්ලුවන්සා රෝගය මේ දිවනල සීග්රයෙන් පැතිර යාමට පටන් ගෙන ඇති බැවින් සෞඛ්ය ආරක්ෂිත ක්රමවේදයන් අනුගමනයක කරන්නැයි කොළඹ වෛද්ය පර්යේෂණායතනයේ වෛරස් රෝග පිලිබඳ විශේෂඥ වෛද්ය ජූඩ් ජයමහ ජනතාවට දැනුම් දී සිටියි..
වෛද්ය පර්යේෂණ ආයතනයට ලැබෙන සෙම සාම්පලවලින් සැලකියයුතු සංඛ්යාවක් ඉන්ෆ්ලුවන්සා වයිරස ආසාදනය වී ඇති බව තහවුරු වී ඇතැයි විශේෂඥවරයා සඳහන් කරයි.
නොවැම්බර් - දෙසැම්බර් මාසවල පවති වර්ෂාව, අධික ශීතල හා එළඹෙන උත්සව සමයත් සමග සංචරණය හා පුද්ගල ඒකරාශී වීම් ඉහළ යාම වැනි හේතු ඉන්ෆ්ලුවන්සාව පැතිරිමට හේතුවක් වන බව හෙතෙම පෙන්වාදේ.
විශේෂයෙන්ම මෙම වයිරසය ගැබිනි මව්වරුන්ට ආසාදනය වුවහොත් මවට මෙන්ම දරු ගැබටද විවිධ සංකූලතාවන් ඇති කරන්නක් විය හැකි බැවින් වඩාත් ආරක්ෂාකාරි සෞඛ්ය මාර්ගෝපදේශයන් අනුගමනය කරන්නැයි විශේෂඥවරයා දැනුම්දී සීටියි.
එසේම වයස්ගත පුද්ගලයින්ට සහ කුඩා දරුවන්ටද මෙම වයිරයෙන් වැඩි බලපෑම් එල්ල කරන බැවින් සෞඛ්ය ආරක්ෂිත ක්රමවේදයන් අනුගමනය කිරීම ඉතාමත් වැදගත් යැයිද පැවසේ.
කෙසේ වෙතත් මුවආවරණය පැළදීම, සංචරණය සීමා කිරීම හා නිතර සබන් යොදා දෑත් සේදීම වැනි සෞඛ්ය ආරක්ෂිත ක්රමවේදයන් අනුගමනය කිරීම මගින් රෝගය අසාදනය වීම වලක්වා ගත හැකිය.
