සංචාරක ඇෆ්ගනිස්තාන කණ්ඩායම සහ ශ්රී ලංකා පිල අතර දෙවන එක්දින ක්රිකට් තරගය සූරියවැව මහින්ද රාජපක්ෂ ක්රීඩාංගණයේදී අද (04) පෙරවරු 10ට ආරම්භ වේ.
තරගාවලිය පරාජයෙන් බේරීම සඳහා ශ්රී ලංකා කණ්ඩායම අද මේ තරගය අනිවාර්යයෙන් මෙම තරගය ජයග්රහණය කිරීමේ අභියෝගය ශ්රි ලංකා කණඩායම ඉදිරියේ තිබේ.
ඒ සඳහා කණ්ඩායමේ යම් වෙනස්කම් කීපයක් සිදුකිරීමට සැලසුම් කර ඇති බවත් තරගය අතරතුර අබාධයට ලක්වන ලහිරු කුමාර වෙනුවට දුෂ්මන්ත චමීරත්, දුෂාන් හේමන්ත වෙනුවට වනිඳු හසරංගත්, කණ්ඩායමට එක්වනු ඇති අතර මහීෂ් තීක්ෂණට ද අවස්ථාවක් හිමිවනු ඇති බවට වාර්තා වේ.
රෂීඩ් ඛාන් අද තරයට එක්වීමට ඉඩ ඇති බැවින් ඇෆ්ගනිස්ථාන කණ්ඩායම ජයග්රාහී මානසිකත්වයකින් වඩාත් ශක්තිමත්ව තරග බිමට පිවිසෙනු ඇත.
තරග 3කින් සමන්විත මෙම එක්දින ක්රිකට් තරගාවලියේ පළමු තරගය කඩුලු 6කින් ජය ගැනීමට ඇෆ්ගනිස්තාන කණ්ඩායම සමත්විය.
