ප්රකට ව්යාපාරික නායකයකු වූ දිනේෂ් ෂාෆ්ටර් ගේ මරණය සම්බන්ධයෙන් ස්ථිර නිගමනයකට එලඹීමට ප්රමාණවත් විද්යාත්මක සාධක ඇතුළු සාක්ෂි තහවුරු වන්නටද මත්තෙන් ඔහු සිය දිවි නසා ගත් බවට මතයක් ස්ථාපනය කිරීමේ උත්සාහයක් පවතින බව පොලිස් ආරංචි මාර්ග පවසයි.
ෂාෆ්ටර් මහතා සිය දිවි නසා ගත් බව තහවුරු කිරීමට මෙතෙක් කිසිදු සාක්ෂියක් නොලැබුණු බවත් මේ සම්බන්ධයෙන් පැවැති මහෙස්ත්රාත් පරීක්ෂණයේදී පවා එවැනි අදහසක් මතුවන ප්රකාශයක් සිදුනොකරන ලද බවත් මෙම ආරංචි මාර්ග තවදුරටත් සනාථ කළේය.
පසුගිය දෙසැම්බර් 15 වැනිදා සිදුවූ ෂාෆ්ටර් ගේ මරණය ට අදාළ ව මේ වනවිට ඩී.එන්.ඒ පරීක්ෂණ සහ රස පරීක්ෂණ වාර්තා සහ සාම්පල 14ක් යවා ඇති අතර එම වාර්තා කිසිවක් මෙතෙක් ලැබී නොමැති තත්ත්වයක් සහ ඔහු සිය දිවි නසා බවත් ට තහවුරු වන සාක්ෂියක් නොමැති පසුබිමක් එවැනි මතයත් නිර්මාණය වීම පිළිබඳව අදාළ අංශ විමතිය පළ කළේය.
ෂාෆ්ටර් මහතාගේ බිරිඳ,පවුලේ සාමාජිකයන්, ඔහු මුදා ගැනීමට ගිය ඔහුගේ සමීපතම නිලධාරියා, බොරැල්ල කනත්ත සුසාන භූමියේ සේවකයන් , ෂාෆ්ටර් මහතාගේ ව්යාපාරවලට සමීප ව සම්බන්ධව සිටින්නන් ඇතුළු පුද්ගලයන් 75 දෙනකුගෙන් පමණ මේ වනවිට ප්රකාශ ලබා ගෙන ඇති අතර තවදුරටත් අදාළ විමර්ශන සිදුවෙමින් පවතින බව මෙම ආරංචි මාර්ග සඳහන් කළේය.
එසේම ඔහු අදාළ සිදුවීම ට පෙර දිනයකදී ද බොරැල්ල කනත්ත ප්රදේශයට ගිය බව සහ සිය දිවි නසා ගැනීම සම්බන්ධයෙන් පුහුණු බවට කිසිදු සාක්ෂියක් ලැබී නැති බවද මෙම ආරංචි මාර්ග අනාවරණය කළ අතර ඔහුගේ මරණය පිළිබඳව යම් නිගමනයකට එලඹිය හැක්කේ මෙම ප්රකාශ සටහන් සහ විද්යාත්මක පර්යේෂණවලින් ලැබෙන ප්රතිඵල අනුව ව ද ප්රකාශ කළේය.
