ත්රස්තවාදය වැළැක්වීමේ පනත අහෝසිකොට, ත්රස්තවාදය වැළැක්වීම සඳහා නව නීතියක් ගෙන ඒම සඳහා වූ මහජන අදහස් ලබා ගැනීම සති දෙකකට සීමා නොකර ලබන පෙබරවාරි 28 වැනිදා දක්වා දීර්ඝ කර ඇති බවත්, අවශ්ය නම් ජනතා අදහස් මත නීතියේ නම පවා වෙනස් කළ හැකි බවත් අධිකරණ ඇමති හර්ෂණ නානායක්කාර අද ප්රකාශ කළේය.
විශේෂ ප්රකාශයක් නිකුත් කරමින් ඇමතිවරයා අවධාරණය කළේ රියෙන්සි අර්ස කුලරත්න ජනාධිපති නීතිඥවරයාගේ මූලිකත්වයෙන් වූ කමිටුවක් අවස්ථා 33ක දී රැස්වී මේ සම්පාදනය කර ඇත්තේ ජනතා අදහස් ලබා ගැනීම වෙනුවෙන් සකස් කළ කෙටුම්පතක් මිස අවසානාත්මක ලියැවිල්ලක් නොවන බවය.
ඇමතිවරයා මේ සම්බන්ධව කරුණු පැහැදිලි කරමින් මෙසේ කීවේය.
“පසුගිය දෙසැම්බර් මාසයේ දී ත්රස්තවාදය වැළැක්වීමේ පනත අහෝසිකොට ත්රස්වාදය වැළැක්වීම සඳහා නව නීතියක් ගෙන ඒමට අධිකරණ අමාත්යාංශය කටයුතු කරනු ලැබුවා.
මෙය අධිකරණ අමාත්යාංශය ජනාධිපති නීතිඥ රියැන්සි අර්සකුලරත්න මහත්මයාගේ ප්රධානත්වයෙන් යුක්ත කමිටුවක් තිස් තුන් වතාවක් එකතු වෙලා සම්පාදනය කරපු කෙටුම්පතක්.
සාමාන්යයෙන් අපේ රටේ මහජන අදහස් විමසීමේ කාලයන් නීතියක් සඳහා දෙනවා අඩුයි. ත්රස්වාදය වැලැක්වීමේ පනත ඓතිහාසිකවම සංවේදී කාරණාවක් වුන නිසා මේ අවස්ථාවේ දී අධිකරණ අමාත්යාංශයත් රජයත් තීන්දු කළා සාමාන්යයෙන් ශ්රේෂ්ඨාධිකරණයට යන සුමාන දෙකට අමතරව වැඩිපුර කාලයක් ජනතා අදහස් විමසීම සඳහා ලබා දිය යුතු බව.
එම හේතුව නිසා ගිය දෙසැම්බර් මස මෙය භාෂා ත්රිත්වයෙන්ම එළි දක්වලා තිබෙනවා. ඒ එළි දක්වලා තියෙන්නෙම ජනතාවගේ අදහස් අභිලාෂ මේකට එකතු කරගන්න අවශ්ය නිසා. ඒ කාලය පෙබරවාරි 28 වැනිදා දක්වා තිබෙනවා.
මේ වනවිට ඇත්තේ මේක අවසාන ලියවිල්ල හෝ අවසානාත්මක දේ නොවෙයි. මහජන අදහස් විමසීම සඳහා මෙය පවතින්නේ කෙටුම්පතක් වශයෙන්. ඒ සියලුම මහජන අදහස් නැවත කමිටු එක් වී සමාලෝචනයකොට මෙම පනත සංශෝධනය කරන්නට වෙනස් කරන්නට හැකියාව තිබෙනවා.
අවශ්ය නම් පනතේ නම පවා වෙනස් කරන්නට හැකියාව තියනවා. මොකද මහජන අදහස් විමසීමේ මූලික පරමාර්ථය වෙන්නෙත් එයමයි.
දැන් මේ වනවිට සිවිල් සංවිධාන රාශියක් මෙහෙ ඉන්න එක්සත් ජාතීන්ගේ කාර්යාලය ඇතුළු නොයෙකුත් සංවිධානවල අදහස් ඒ වගේම මහජන අදහස් රාශියක් මේ වනවිටත් ඊ මේල් හරහා සහ සාමාන්ය විදිහට අමාත්යාංශ ලේකම් තුමියට භාර දීලා තියනවා. ඒ සියල්ලම මේ දවස්වල අධීක්ෂණය කරමින් පවතිනවා.
මේ සියල්ලන්ගෙන්ම පස්සේ තමයි අලුත් පනත ගෙනඒමේ වැඩ කටයුත්ත සිද්ධ වෙන්නේ. “
මේ සම්බන්ධව මාධ්ය හරහා පුවත්පත් හරහා විවේචන සහ අදහස් දැක්වූ අයට ස්තුතිවන්ත වන බවත් තවත් මාසයක කාලයක් ඇති බැවින් තවත් අදහස් එවන ලෙසත් ඇමතිවරයා ජනතාවගෙන් ඉල්ලා සිටියේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
පෙබරවාරි 28න් පසු කමිටුව එක් වී සියලුම සාධනීය අදහස් හා යෝජනා සලකා බලා අවශ්ය ආකාරයට වෙනස් කරගැනීමේ හැකියාව ඇති බවත් ඇමතිවරයා පෙන්වා දුන්නේය.
