-
අගමැති තුමිය ඉල්ලා අස් වෙනකම්, අධ්යාපන ඇමති ධූරයෙන් ඇය ඉවත් වෙනකම් වීවරංශට සෑහෙන කාලයක් උපවාස කරන්න වේවි… අධ්යාපන අමාත්යාංශයට හෝ විභාග දෙපාර්තමේන්තුවට බාධා නොවන පරිදි කැමති කාලයක් එය පවත්වාගෙන යා හැකියි…
2026 වසරේ 6 ශ්රේණියට අදාල අධ්යාපන ප්රතිසංස්කරණ 2027 වසරට කල් දැමීම විමල් වීරවංශ ආරම්භ කර ඇති උපවාසය නතර කිරීමට හේතුවක් නොවන බව කැබිනට් මාධ්ය ප්රකාශක සෞඛ්ය හා ජනමාධ්ය ඇමති නලින්ද ජයතිස්ස පැවසුවේය.
අධ්යාපන ඇමති ධූරයෙන් හෝ අගමැති ධූරයෙන් ආචාර්ය හරිනී අමරසූරිය ඉවත් නොවන නිසා අධ්යාපන අමාත්යාංශයේ හෝ විභාග දෙපාර්තමේන්තුවේ කටයුතුවලට බාධා නොවන පරිදි ඔහුට කැමති කාලයක් උපවාසය කළ හැකි බවත් කිසිවෙක් ඔහුට තැඹිලි පොවන්නට නොඑන බවත් ඇමතිවරයා කීවේය.
“අපි ගත්ත තීන්දුව ඔහුට උපවාසය නරත රකන්න හේතුවක් වෙන්නේ නෑ. ඔහු උපවාස කරන්නේ අග්රාමාත්ය තුමිය ඉවත් කිරීමට සහ අධ්යාපන අමාත්ය ධූරයෙන් එතුමිය ඉවත් කිරීම සඳහා. ඒ් නිසා මං හිතනවා ඒ් උපවාසය දිගටම කරගෙන යන්න වේවි කියලා.”
“අධ්යාපන අමාත්යාංශයේ කටයුතුවලට සහ විභාග දෙපාර්තමේන්තුවේ කටයුතුවලට බාධාවක් නොවන ලෙස මහජන පීඩාවක් ඇති නොවන ලෙසට අගමැතිතුමිය සහ අධ්යාපන ඇමතිවරිය ඉවත් කරනකම් එයාට උපවාස කරන්න පුලුවන්. කවුරුත් තැඹිලි පොවන්න යන්නේ නෑ. එයාට සෑහෙන කාලයක් ඔය විදිහටම ඉන්න වේවි.”
ඒ් සමගම කැබිනට් ප්රකාශකවරයා මේ බවත් අවධාරණය කළේය.
“කිසිම කැබිනට් සංශෝධනයක් සිදුකරන්නේ නෑ. අධ්යාපන ප්රතිසංස්කරණය කරන්නේ ආණ්ඩුව විසින්. ඒ් සඳහා ජන වරමක් ලැබිලා තියනවා. මේ ක්රියාවලියේ දි එක ශ්රේණියක එක මොඩියුල් ඒකක ප්රශ්නයක් ආවම අධ්යාපන ඇමතිනිය වෙනස් වෙන්නෙත් නෑ. අගමැතිනිය වෙනස් වෙන්නෙත් නෑ. අධ්යාපන ප්රතිසංස්කරණ කටයුතු අපි කරගෙන යනවා.”
