2036 ඔලිම්පික් උළෙලේ සත්කාරකත්වය ලබා ගැනීම සඳහා ඉන්දියාව ද ලන්සු තබන බවත් එහි ආයෝජන වගකීම තම සමාගම විසින් දරනු ඇති බවත් ඉන්දීය බිලියනපති ව්යාපාරික මුකේෂ් අම්බානි අද (10) ප්රකාශ කළේය.
මේ බව ප්රකාශ වන්නේ මේ වනවිට ගුජරාටයේ පැවැත්වෙමින් ඇති ගුජරාට් ප්රාන්තයට ආයෝජන ආකර්ෂණය කර ගැනීමේ ව්යාපාරික උත්සවයක්වන “වයිබ්රන්ට් ගුජරාට් ගෝලීය සමුළුව – 2024” දී ය.
මෙම සමුළුව අමතන ආසියාවේ ධනවත්ම මිනිසා වන මුකේෂ අම්බානි කතාව අතරතුර, පැවසුවේ 2036 ඔලිම්පික් සඳහා ඉන්දියාව ලංසු තබන බවත්, ඒ සඳහා Reliance Industries ප්රධාන ආයෝජනය සිදු කරන බවත්ය.
2036 ඔලිම්පික් ක්රීඩා උළෙල පැවැත්වීමට ඉන්දියාව උනන්දු වන බව අගමැති නරේන්ද්ර මෝදි පැවසුවේ පසුගිය ඔක්තොම්බර් 14 වැනිදා සෙනසුරාදා මුම්බායි හි පැවති ජාත්යන්තර ඔලිම්පික් කමිටු (IOC) සැසියේ සමාරම්භක උත්සවය අමතමිනි.
“2036 දී ඉන්දියාවේ ඔලිම්පික් උළෙල සංවිධානය කිරීමේ අපගේ උත්සාහයට ඉන්දියාවේ සෑම පුරවැසියෙකුගේම කැමැත්ත ලැබෙනු ඇති. මෙය කෝටි 140 (බිලියන 1.4) ඉන්දියානුවන්ගේ පැරණි සිහිනයක්, එය ඔවුන්ගේ අභිලාෂයයි,” මෝදි පැවසීය. ඉන්දියාව මින් පෙර කිසිම අවස්ථාවක ඔලිම්පික් තරගාවලියක් සඳහා සත්කාරකත්වය දක්වා නැත.
මුකේෂ් අම්බානි දැනට වෙළෙඳපොළ වටිනාකම අනුව ඉන්දියාවේ වටිනාම සමාගම වන Reliance Industries හි සභාපති සහ කළමනාකාර අධ්යක්ෂවරයා ය.
2023 දෙසැම්බර් වන විට ඔහුගේ වත්කම්වල ඇස්තමේන්තුගත ශුද්ධ වටිනාකම ඩොලර් බිලියන 92 කි. මුකේෂ් අම්බානි ආසියාවේ ධනවත්ම පුද්ගලයා වන අතර ලෝකයේ 15 වැනි ධනවත්ම පුද්ගලයා වේ.
“වයිබ්රන්ට් ගුජරාට් ගෝලීය සමුළුව – 2024” සමුළුව වරටත ගුජරාටයේ ගාන්දි නගර්හි පැවැත්වෙමින් ඇත්තේ 10 වැනි වරටය. ඒ ඉන්දීය අගමැති නරේන්ද්ර මෝදිගේ ප්රධානත්වයෙනි.
එක්සත් අරාබි එමීර් රාජ්යයේ ජනාධිපති මොහොමඩ් බින් සෙයිඩ් අල් නහියන් ද ඇතුළු ගෝලීය නායකයින් පිරිසක් ද මේ අවස්ථාවට එක්වී ඇත. ( Hindustn Times)
