19 න් පහළ ආසියානු ශූරතා තරගාවලියේ ශ්රී ලංකාව මුහුණ දුන් ප්රථම තරගයෙන් ජපාන කණ්ඩායම පරදවා කඩුළු 07ක පහසු ජයක් අත් කරගැනීමට අද ඩුබායි අන්තර්ජාතික ක්රීඩාංගනයේ දී අද (09)සමත් වූයේය.
කාසියේ වාසිය දිනූ ශ්රී ලංකා නායක සිනෙත් ජයවර්ධන පන්දු රැකීම තේරුවේය.
මුලින්ම පන්දුවට පහර දුන් ආධුනික ජපාන කණ්ඩායමේ සියලු දෙනා ලකුණු 75කට දැවී ගියහ. නායක කොජි අබේ හතරේ පහර 03ක් සමගින් ලකුණු 19ක් ද හතරේ පහර 04ක් සමගින් පන්දු 52 ක දී චාල්ස් හින්ස් ලකුණු 36ක් ද රැස් කළේය.
පන්දු යැවිමේ දී මල්ෂ තරුපති ලකුණු 26ට කඩුළු 03ක්, ගරුක සන්කෙත් ලකුණු 18ට කඩුළු 02ක්, දුවිඳු රණතුංග, විශ්ව ලහිරු, දිනුර කළුපහණ, විහස් තෙවුම්ක කඩුල්ල බැගින් ද ලබා ගත්හ.
ඉතා අඩු ලකුනු සංඛ්යවක් ලකුණු පුවරුවේ දක්නට ලැබිණි. අපේක්ෂා කළේ කිසිම කඩුල්ලක් නොදැවී ලකුණු 76ක ඉලක්කය ශ්රී ලංකා කණ්ඩායම රැස් කරනු ඇති බවය.
නමුත් ආරම්භක පිතිකරුවන් දෙදෙනා මුල සිටම කිසිම ස්ථාවරත්වයක් සහ විශ්වාසයක් පෙන්නුම් කළේ නැත. පුළිඳු පෙරේරා සහ හිරුන් කපුරුබණ්ඩාර සිය කෙටි ඉනිම්වල දී දැවී යෑමට පෙර අවස්ථාව බැගින් ජපන් පන්දු රකින්නන්ට ලබා දුන්හ.
පුලිඳු පෙරේරා ලකුණු 13කටත්, හිරුන් කපුරුබණ්ඩාර ලකුණු 3කටත් දැවී ගියේය. අනතුරුව රුසන්ද ගමගේ ලකුණු 18කට දැවී ගියේ කිෆර් ලේක් ගේ පන්දුවක් හමුවේය.
කෙසේ වෙතත් නායක සිනෙත් ජයවර්ධන සහ දිනුර කළුපහණ පහසු කඩඉම පසුකළහ. නායක සිනෙත් ජයවර්ධන පන්දු 24ක දී ලකුණු 26ක් ලැබුවේය. තරගයේ එකම හයේ පහර එල්ලකළේ ඔහුය.
දිනුර කළුපහණ නොදැවී ලකුණු 06කි. ජපාන කණ්ඩායම වෙනුවෙන් කැපී පෙනෙන පන්දු යැවීමක යෙදුනේ කියිෆර් ලේක් ය. ඔහු පන්දු ඕවර 05ක් තුළ ලකුනු 27කට කඩුළු 02ක් ලැබීය.
ශ්රී ලංකා කණ්ඩායම පන්දු ඕවර 12.2 කදි කඩුළු 3ක් දැවි ජයග්රාහී ඉලක්කය පසුකර කඩුළු 07ක ඉතා පහසු ජයග්රහණයක් වාර්තා කළේය.
