විදුලි සංශෝධන පනත් කෙටුම්පත පාර්ලිමේන්තුවට ඉදිරිපත් කරන්නේ ජනවාරි මාසයේ දී බව විදුලිබල හා බලශක්ති අමාත්ය කාංචන විජේසේකර අද (09) පාර්ලිමේන්තුවට පැවසීය. 
මෙම කෙටුපත මහජනතාවට විරෝධතා දැක්වීමට අවස්ථාවක් ලබා නොදී ක්රියාත්මක කිරීමේ පාපතර ක්රියාමාර්ගයක් පවතින බවට විපක්ෂයේ දේශපාලන පක්ෂ පාර්ලිමේන්තුව තුළ සහ ඉන් පිටත කරන ප්රකාශ ප්රතික්ෂේප කරන බව ද ඇමතිවරයා පැවසුවේය.
පනත් කෙටුම්පත දෙසැම්බර් 12 වනදා ඉදිරිපත් කළහොත් මහජනතාවට පෙත්සම් ගොනු කිරීමට කාලයක් නොමැතිව එම පනත ස්වංක්රීයව බලගැන්වෙන ආකාරය සම්බන්ධව පාර්ලිමේන්තු මන්ත්රී දයාසිරි ජයසේකර ඇතුළු විපක්ෂයේ මන්ත්රීවරුන්ගේ චෝදනාවලට පිළිතුරු දෙමින් ඔහු පැවසුවේ පනත ජනවාරි මාසයේ දි පාර්ලිමේන්තුවට ඉදිරිපත් කෙරෙනු ඇති බවය.
“අපි ජනවාරි මාසයේ පනත් කෙටුම්පත ඉදිරිපත් කරනවා. ඒ නිසා ඕනෑම කෙනෙකුට පෙත්සම් ගොනු කරන්න කල් තියෙනවා. පනත් කෙටුම්පත සකස් කිරීමට පත් කළ කමිටුව මන්ත්රීවරුන්ගේ මතය ගන්න රැස්වීමක් පැවැත්වුවා. රැස්වීමට ආවේ මන්ත්රීවරු 12යි. ඊට අමතරව. වෘත්තීය සමිති සමඟත් සාකච්ඡා කරලා තියෙනවා.” විජේසේකර ඇමැතිවරයා කීවේය.
