ලෝක ශූර ඔස්ට්රේලියාව සමග සිඩ්නි ජාත්යාන්තර ක්රීඩාංගනයේ දී පැවැත්වෙන ඔස්ට්රේලියා ශ්රී ලංකා පළමු විස්සයි 20 තරගයේ මුලින්ම පන්දුවට පහර දුන් ඔස්ට්රේලියානු කණ්ඩායම පන්දු ඕවර 20 අවසන දී කඩුලු 09කට ලකුණු 149ක් ලබා ගත්තේය. ජයග්රහණය සඳහා ශ්රී ලංකාවේ ඉලක්කය ලකුණු 150කි.
කාසියේ වාසිය දිනූ ශ්රී ලංකා නායක දසුන් ශානක මුලින්ම පන්දු රැකීම තේරුවේය.
ඔස්ට්රේලියා වෙනුවෙන් පිතිකරණය ආරම්භ කිරීමට පැමිණි බෙන් මැක්ඩමොර්ට් විශිෂ්ට ඉනිමක් ක්රීඩා කරමින් පන්දු 41ක දී ලකුණු 53ක් රැස් කළේය. ඊට හතරේ පහර දෙකක් හා හයේ පහර තුනක් ඇතුළත් විය.
මාර්කස් ස්ටොන්ක් පන්දු 17ක දී වේගවත් ලකුණු 30ක් වාර්තා කළේය. ඊට හතරෙ පහර දෙකක් සහ හයේ පහර 2ක් ඇතුළත් විය. ජොෂ් ඉන්ග්ලිස් පන්දු 18ක දී ලකුණු 23ක් ලබා ගත්තේය.
පන්දු යැවිමේ දී ආකරශනීයම පන්දු යැවීම බිනුර ප්රනාන්දුගෙන් සහ වනිඳු හසරංග ගෙන් ප්රදර්ශනය විය. බිනුර පන්දු ඕවර 04 යවමින් ලබා දුන් ලකුණු සංඛ්යාව 12කි. ඔහු කඩුලු දෙකක් ලබා ගත්තේය. වනිඳු හසරංග පන්දු ඕවර 04ක් යවා ලකුණු 38ට කඩුලු 03ක් බිඳහෙළුවේය.
සිය පන්දු ඕවර 04 යැවූ දුෂ්මන්ත චමීර ලකුණු 38 කඩුලු 2ක ද චාමික කරුණාරත්න ලකුණු 22ට කඩුලු 2ක් ද ලබා ගත්තේය.
ජයග්රහණය සඳහා ශ්රී ලංකා කණ්ඩායමට ලකුණු 150ක ඉලක්කයක් ලැබී තිබේ.
