කටාර්හි ලෝක කුසලාන පා පන්දු තරගාවලිය උණුසුම්ය. බලාපොරොත්තු රහිත පෙරළි සමග ගෙනෙන මේ ක්රීඩා උත්කර්ෂය අර්ධ අවසන් පූර්ව තරගවලදී ප්රකාශ වෙමින් ඇත්තේ ක්රීඩා ලෝලීන් ආනන්දයට පත් කරමිනි.
ලෝක කුසලානයේ අවසන් පූර්ව තගරයේ දී හමුවනු ඇතැයි විශ්වාස කළ පාපන්දු ලෝකයේ ජේත්තුකාරයන් වන නේමාර් ගේ බ්රසීල කණ්ඩායම ක්රොඒෂියාව හමුවේ පරාජය වුනේය.
ඒ අතර ලයනල් මෙසී ගේ ආජන්ටිනා කණ්ඩායම ලෝක කුසලානය සම්බන්ධව තවත් බලාපොරොත්තුවක් දල්වා ගනිමින් නෙදර්ලන්තය පරදවා අවසන් පූර්ව වටයට පිවිසියේය.
මෙම අර්ධ අවසන් පූර්ව වටයේ තරග දෙකෙහිම තීරණය ගෙනාවේ දඬුවම් පහරය.
ආර්ජන්ටිනාව සහ නෙදර්ලන්තය අතර පැවති තරගයේ දී තරගයේ නියමිත කාලය අවසන් වන විට දෙපිළම ගෝල දෙක බැගින් ලබා ගෙන සිටියහ. තරගයේ ජයග්රාහකයා තීරණය වූයේ දඬුවම් පහර මගිනි.
එහි දී 4- 3ක් වශයෙන් දඬුවම් පහර සාර්ථක කර ගත් ආර්ජන්ටිනා කණ්ඩායම අවසන් පූර්ව වටය සඳහා සුදුසුකම් ලැබුවේය.
බ්රසීලය හා ක්රොඒෂියා අතර පැවති තරගයේ දී ක්රොඒෂියා අවසන් පූර්ව වටයට පිවිසියේ පස්වරක් ලෝක කුසලාන අවසන් පූර්ව වටයට සුදුසුකම් ලැබූ බ්රසීලය ඒ ගමන් මගෙන් ඉවත් කරමිනි. ක්රොඒෂියාව ගිය වර ලෝක කුසලානයේ අනුශූරයින්ය.
කටාර් රාජ්යයේ Education city ක්රීඩාංගණයේ පැවැති මේ තරගයේ සම්පූර්ණ කාලයේ නිමාවූයේ කණ්ඩායම් දෙකටම ගෝල ලබාගැනීමට ලැබුණු අවස්ථා සම්පූර්ණ කර ගැනීමට නොහැකිවීමෙනි.
තරගයේ පළමු භාගයේ දී බ්රසිල කණ්ඩායමට ගෝල වාර්තා කර ගැනීමට අවස්ථා කිහිපයක් ලැබුණත් එම අවස්ථා ගෝල ලෙස ප්රවර්ථනය කරගැනීමට ඔවුහු අපොහොසත් වූහ.
මේ අනුව තරගයේ තීරණයක් ලබා ගැනීම සඳහා අතිරේක කාලයක් ලැබිණි. අතිරේක කාලයේ පළමු අර්ධයේ අවසන් විනාඩියේදී බ්රසීලයේ අපේක්ෂා සහගත ගෝලය සුපිරි ඉදිරිපෙළ ක්රීඩක නේමාර් ලබා ගත්තේය.
එහෙත් තරගයේ 117 වැනි විනාඩියේදී බෘනෝ පැට්කොවික් බ්රසීල හීනය නිමා කළේ ක්රොඒෂියා වෙනුවෙන් ගෝලයක් වාර්තා කර ගෝල තත්ත්වය සම කිරීමෙනි.
අවසන් පූර්ව වටයට තෝරා ගැනිම දඬුවම් පහරින් තීරණය විය.
මෙහෙදී ක්රොඒෂියාව සිය පළමු දඬුවම් පහර හතරම නිවැරදි ඉලක්කයට යොමු කළේය. බ්රසීලයේ පලමු දඬුවම් පහර ක්රොඒෂියානු දැල රකින්නා විසින් රැක ගත්තේය. සිව් වැනි දඬුවම් පහර නිවැරදි ඉලක්කයට යොමු වූයේ නැත. බ්රසීලයේ ඉරණම තීරණය වන්නේ එසේය.
අද රාත්රී 8:30 මොරොක්කෝ-පෘතුගාලය, පෙ.ව. 12:30 එංගලන්තය-ප්රංශයත් අවසන් පූර්ව වටයට සුදුසුකම් ලැබීම සඳහා තරග වදිනු ඇත.
