ශ්රී ලංකා දකුණු අප්රිකා සහ ඉන්දියා එක්දින අන්ර්ජාතික කාන්තා තුන්කොන් ක්රිකට් තරගාවලිය ආරම්භ කරමින් අද කොළඹ ආර්. ප්රේමදාස ක්රීඩාංගනයේ දී පැවති ශ්රී ලංකා ඉන්දියා කාන්තා කණ්ඩායම් අතර එක්දින ජාත්යාන්තර තරගයේ දී ශ්රී ලංකා කණ්ඩායම අන්ත පරාජයට පත් කරමින් ඉන්දියානු ක්රීඩිකාවෝ කඩුළු 09ක විශිෂ්ඨ ජයග්රහණයක් වාර්තා කළහ.
තරගයේ කාසියේ වාසිය දිනූ ඉන්දියානු කණ්ඩායම පන්දු රැකීම තේරූහ. උදෑසන කොළඹට ඇද හැලුන ධාරාණිපාත වර්ෂාවත් සමග තරගය පන්දු ඕවර 39කට සීමා විය.
එහෙත් ශ්රි ලංකා ක්රීඩිකාවො පන්දු ඕවර 38.1ක් තුළ සියල්ලෝ ලකුණු 147කට දැවී ගියහ. අප දකින්නේ වගකීම් රහිත පිතිකරණ විලාශයකි. චමරි අතපත්තු දැවීයන්නේ ලකුණු 07කට ය. ඇය පන්දු 18ක් ක්රීඩා කළාය. ඉතාම අනවශ්ය ලෙස ලකුණකට දිවයන්නට ගොස් හර්ෂිතා සමරවික්රම ලකුණු 13කට දුවද්දී දැවී ගියාය. ආරම්භක පිතිකරණයේ යෙදුන හසිනි පෙරේරා ලකුණු 30ක් කවීෂා දිල්හාරි ලකුණු 25ක්, අනුෂ්කා සංජීවනී ලකුණ 22ක්, අචිනි කෞෂල්යා ලකුණු 17ක් ලැබූහ. අනෙක් කිසිම ක්රීඩිකාවක් ලකුණු 10 සීමාව ඉක්මවා ගියේ නැත.
අප දකින්නේ ඉන්දියානු ක්රීඩිකාවන්ගේ විශිෂ්ට පන්දුකරණයකි. පන්දු රැකීමකි. වමතින් ඕෆ් බ්රේක් පන්දු යවන ස්නෙහ් රානා ලකුණු 31කට කඩුළු 03ක් බිඳ හෙළුවාය. දීප්ති ෂර්මා කඩුළු 02ක් සහ ෂ්රී චරානි කඩුළු 02ක් ලැබුවාය. අරුන්දතී රෙඩ්ඩිට එක් කඩුල්ලකි.
පිළිතුරු ඉනිම ක්රීඩා කිරීමට පැමිණි ඉන්දියානු ක්රීඩිකාවන්ගෙන් එල්ලවන්නේ අනුකම්පා විරහිත ප්රහාරයකි. ආරම්භක පිතිකාරිණි ස්ම්රිට් මන්දනා ලකුණු 43ක් ලැබුවාය. ඉනිමේ දැවී ගිය එකම ක්රීඩිකාව ඇය ය. ඒ එකම කඩුල්ල බිඳ දමන්නේ ඉනෝකා රණවීරය. ඇය පන්දු යවමින්ම රැකගත් උඩපන්දුවෙන් ඇය දැවී යන්නී ලකුණු 54 දී ය. මන්දනා පන්දු 46කට පමණක් මුහුණ දී හතරේ පහර 06ක් සමගින් ලකුණු 43 ලැබුවාය.
ආරම්භක පිතිකාරිණිය ප්රතිකා රාවල් නොදැවී ලකුණු 50කි. අංක තුන පිතිකාරිණිය හර්ලීන් ඩිඕල් නොදැවී ලකුණු 48කි. පන්දු ඕවර 29.4ක දී ඉන්දීය ක්රීඩිකාවෝ තරගය නිමා කළහ.
තවත් කියන්නට දෙයක් නැත. මේ තරගයේ නම් අප හිටියේ ඉන්දියාවට වඩා ගව් ගණනක් පහලිනි. ඉදිරිය පිළිබඳ බලාපොරොත්තු සහිතව මේ සටහන නිමා කරමු.
