දඹුල්ල ජාත්යන්තර ක්රිකට් ක්රීඩාංගණයේ නිරීක්ෂණ චාරිකාවක නිරත වූ ක්රීඩා ඇමති හරීන් ප්රනාන්දු මහතාව එහි සිටි වග කිව යුතු නිලධාරීන් පිරිසක් සත්ය තොරතුරු වසන් කර ඇන්දවීමට කටයුතු කර ඇතැයි ලංකාසරට වාර්තා වේ.
දඹුල්ල ක්රීඩා පිටියේ අලුතින් ඉදිකෙරෙන විදුලි ආලෝක ධාරා පද්ධතිය පිළිබඳව හා එහි වසර ගණනක් මුළුල්ලේ තවමත් වැඩ නිම කොට නැති පිහිනුම් තටාකය පිළිබඳ ඔහුට වැරදි තොරතුරු ලබා දී ඇති බව පැවසේ.
මෙම නව ආලෝකධාරා පද්ධතිය සවි කරද්දී ගලවාගෙන ගිය එහි එතෙක් තිබුණු ආලෝක ධාරා පද්ධතියේ කුළුණු හා බල්බ වලට සිදු වූ දෙය පිළිබඳවද නිවැරදි තොරතුරු වසන් කර තිබේ.
එම පැරණි ආලෝක ධාරා පද්ධතිය සීසීසී ක්රීඩා පිටියට ගෙන ගොස් ඇති අතර එය කර ඇත්තේ එහි අලුතින් විදුලි බුබුළු සව් කිරීමට විශාල මුදලක් ක්රිකට් අරමුදලින් වෙන් කරවාගෙන තිබියදී වීම විශේෂත්වයකි.
මේ අතර පිහිනුම් තටාකයේ වැඩ ක්රිකට් ආයතනයේ හා ප්රදේශයේ ප්රබලයකුගේ හිතවත් කොන්ත්රාත් කරුවකුට ලබා දී ඇති අතර ඔවුන් ප්රමිතියෙන් තොරව එහි ඉදිකිරීම් කරන බවට චෝදනා කරමින් එහි සේවය කළ සේවකයන් කිහිප දෙනකුම ඉවත්ව ගොස් තිබේ.
කෙසේ වෙතත් මේ වන විට පල්ලෙකැලේ පිහිනුම් තටාකය මෙන්ම දඹුල්ල පිහිනුම් තටාකයේද බාල වැඩ හේතුවෙන් ජලය කාන්දු වෙමින් පවතී.
මෙය ඉදිකිරීමට පෙර කරන ලද භූමි පරීක්ෂණයකදී එම ස්ථානය පිහිනුම් තටාකයකට නුසුදුසු බවට සහතිකයක් ලබා දී තිබුණද අඩි 20ක් උසට කණු සව්කොට ඒ මත එය ඉදිකිරීමට තීරණය කර තිබේ.
දඹුල්ල ක්රීඩා පිටියේ මෙම අඩුපාඩු නිරීක්ෂණය කිරීමට ගිය බව කීවද ක්රීඩා ඇමතිවරයා එහි ගිය නියම අරමුණ වී ඇත්තේ පෙබරවාරි 5 දා දඹුල්ල ක්රීඩාංගණයේ ජනාධිපතිවරයාගේ ප්රධානත්වයෙන් පැවැත්වීමට නියමිත 20,000 කට ඉඩම් ඔප්පු ප්රදානය කිරීමේ උත්සවය සඳහා කටයුතු නිරීක්ෂණයට බව වාර්තා වේ.
