ඉදුනිල් කහටපිටිය –
රටේ ආර්ථිකය ඉහළ නැංවීමට නම් රාජ්ය නිලධාරීන් සහ දේශපාලකයින් තුළ ස්වයං විනයක් ඇති කළයුතුයැයි පේරාදෙණිය විශ්ව විද්යාලයේ ශාස්ත්ර පීඨයේ ආර්ථික විද්යා හා සංඛ්යාන දෙපාර්තමේන්තුවේ මහාචාර්ය වසන්ත අතුකොරල පවසයි.
ඒ සඳහා කළ යුතු හොඳම සහ එකම විසදුම සමස්ත රාජ්ය ආයතනයකටම අදාලව ඒ ඒ ආයතනයේ විස්තරාත්මක වාර්ෂික ආදායම් වියදම් පිළිබඳ සම්පූර්ණ වාර්තාව මාර්ගගතව එළිදැක්වීම බවද හෙතෙම කියයි.
වර්ෂයක අවසානය වනවිට සකස් කරන ලද සමස්ත ආදායම් වියදම් පිළිබද සම්පූර්ණ වාර්තාව නව වසරේ ජනවාරි මාසය අවසන් වීමට පෙර ඉදිරිපත් කිරීමේ හැකියාව සෑම ආයතනයකටම ඇති වුවත් වංචනික ලෙස මූල්ය කටයුතු සිදුකරමින් ආදායම් සහ වියදම් සියල්ල සඟවමින් මූල්ය වාර්තා සැකසීමේ ක්රමවේදය මත විනිවිදභාවයකින් යුත් විගණන වාර්තාවක් ඉදිරිපත් කළ හැකි රාජ්ය ආයතනයක් දක්නට නොලැබෙන බව ද මහාචාර්ය වරයා කියා සිටියේය.
සියලුම රාජ්ය ආයත වල මුදල් පරිහරණ කටයුතු සිදු කරනු ඇත්තේ ජනතාවගේ බදු මුදලින් බැවින් එම විගණනයන් සමස්ත මහජනතාව දැනගත යුතු යැයි ද ඒ අනුව රටකට පාලකයින් පත්කිරීම පිළිබඳ පැහැදිලි තීරණයක් ජනතාවට ගත හැකි යැයි ද කී මහාචාර්යවරයා එවැනි තත්වයක් මෑතකාලීනව ශ්රී ලංකාවේ දක්නට නොලැබුණු බව ද කියා සිටියේය.
මේ මොහොතේ සිට හෝ ඒ ඒ ආයතනයේ මුදල් ලැබීම් ආදායම් වියදම් පිළිබඳව විස්තරාත්මක විගණනයක් පවත්වාගෙන යා යුතු යැයිද එම වාර්තාව ඔස්සේ වංචනික ලෙස හෝ නිකරුනේ සිදුවන මූල්ය අපරාධ පිළිබඳව ගණනය කිරීමක් සිදුකරමින් ආයතන මට්ටමෙන් මූල්ය පරිහරණය පිළිබඳව විවෘත භාවයකින් කටයුතු කිරීමට යොමු විය යුතු යැයි ද මහාචාර්යවරයා කියා සිටියේය.
එසේ නොවන තාක් නිලධාරීන්ගේ ස්වයං විනයක් පවත්වාගත නොහැකි බවද අක්රමවත් මූල්ය පරිහරණය මත ඒ ඒ ආයතන කඩා වැටෙමින් රටේ සමස්ත ආර්ථිකය බිමට සමතලා වී යන මොහොත වළක්වාගත නොහැකි යැයිද කී මහාචාර්ය වසන්ත අතුකෝරල මේ සම්බන්ධයෙන් බලධාරීන්ගේ අවධානය වහා යොමු විය යුතු යැයි ද කියා සිටියේය.
මෙතෙක් විගණන දෙපාර්තමේන්තුව මඟින් හෝ කෝප් කමිටුව මගින් දැඩි අවධානය යොමු කරමින් අනාවරණය කළ මූල්ය වංචා සම්බන්ධව දායක වූ පිරිස් නීතිය ඉදිරියට ගෙන ඒමට කිසිදු ක්රියාමාර්ගයක් නොගැනීම මත තව දුරටත් රට තුළ නිදැල්ලේ මූල්ය වංචා සිදු වන බවද හෙතෙම අවධාරණය කළේය
