එළඹෙන මහ මැතිවරණයේ දී අගමැති අපේක්ෂකකම මෙන්ම එක්සත් ජාතික පක්ෂය සමග එක් වී ගොඩනගන එකමුතුවේ නායකකමත් යන දෙකම විපක්ෂ නායක සජිත් ප්රේමදාස ඉල්ලා සිටින බැවින් සමගි ජන බලවේගය එක්සත් ජාතික පක්ෂය සමග ගොඩනගන සන්ධානයට අදාල සාකච්ඡාවලට බාධා පැමිණ ඇතැයි අභ්යන්තර දේශපාලන ආරංචි මාර්ග පවසයි.
රනිල් වික්රමසිංහ හිටපු ජනාධිපතිවරයාගේ නායකත්වය යටතේ අගමැති අපේක්ෂකම හෝ භාරගැනීමට තමන් සූදානම් නැති බව සජිත් ප්රේමදාස ප්රකාශ කිරීමත් සමග සන්ධානයක් ගැන සාකච්ඡා කරමින් සිටි හිටපු ජනාධිපතිවරයා රුවන් විජේවර්ධනට පක්ෂ නායකත්වය ලබා දී නායකත්වයෙන් ඉවත් වීමට තීන්දු කර තිබුණත් එජාපය හා එක්වීමට සජිත් ප්රේමදාස තවමත් ප්රතික්ෂේප කරන බව එම ආරංචි මාර්ග පෙන්වා දෙයි.
එහෙත් මේ අනම්ය හැසිරීම වෙනස් කරන ලෙස ඉල්ලා සමගි ජන බලවේගයේ විශාල පිරිසක් සජිත් ප්රේමදාස වෙත දැඩි බලපෑම් එල්ල කරමින් සිටින බවත්, මේ වනවිටත් අදාල සාකච්ඡා පැවැත්වෙමින් ඇති බවත් වාර්තා වේ.
එක්සත් ජාතික පක්ෂයේ අභ්යන්තර ආරංචි මාර්ග පවසන්නේ මේ සන්ධානගතවීම සඳහා පක්ෂය වෙනුවෙන් ලබා දිය හැකි උපරිම අවස්ථාව සජිත් ප්රේමදාස වෙත ලබා දී ඇති බවය. එම අවස්ථාවෙන් ප්රයෝජන ගැනීම දෙපාර්ශවයේම දේශපාලන අනාගතයට යහපත් බව එම ආරංචි මාර්ග පැවසුවේය.
