ඉරාන නෞකාවලට කිසිම ආකාරයක රාජ්ය තාන්ත්රික ආරාධනාවක් නොකළ බව සහතික විය හැකි බවත් තිබුණු එකම ඉල්ලීම මාර්තු මස 09-13 අතර කාලය තුළ සමීප සුහද සංචාරයක් (Goodwill Visit) සඳහා තිබූ ඉල්ලීමක් පමණක් බවත් කැබිනට් මාධ්ය ප්රකාශක නලින්ද ජයතිස්ස අද රජය වෙනුවෙන් අවධාරණය කළේය.
ඔහු මේ බව ප්රකාශ කළේ අද (24) පැවති කැබිනට් මාධ්ය හමුවේ දී ඊයේ දිනයේ ඉරාන තානාපතිවරයා විසින් කරන ලද ප්රකාශයට රජය පාර්ශවයෙන් පිළිතුරු ලබා දෙමිනි.
ඉරාන තානාපතිවරයා ඊයේ විශේෂ මාධ්ය හමුවක් කැඳවමින් අවධාරණය කරනු ලැබුවේ අයිරිෂ් දේනා නෞකාව ඇතුළු නෞකා දෙකක් ශ්රී ලංකා මුහුදු තීරයට ඇතුළු වීමේ අභිලාෂයෙන් සිටියේ ශ්රී ලංකා නාවික හමුදාවේ හමුදාපතිවරයා විසින් කරන ලද ආරාධනාවකට අනුව ලංකාවේ වරාය ප්රවේශයක් අපේක්ෂාවෙන් බවය.
මේ බරපතල ප්රකාශය පසුගිය සිකුරාදා ජනාධිපතිවරයා විසින් පාර්ලිමේන්තුවේ දී කළ ප්රකාශයට මුලුමනින්ම පටහැනි විය. අද පැවති කැබිනට් මාධ්ය හමුවේ දී මාධ්ය මේ ගැන ප්රශ්න කළා පමණක් නොව, ඉරාන තානාපතිවරයාගේ ක්රියා කලාපය සම්බන්ධව ද විමසා සිටියේය.
ඉරාන තානාපතිවරයා විපක්ෂය සමග දේශපාලන ප්රවේශයකට ගොස් විරෝධතා ව්යාපාරයකට එක් වීම සම්බන්ධව මේ ප්රශ්න කිරීමේ දී මතු මාධ්ය විසින් මතු කළේය. ඔහුව අමාත්යාංශයට ගෙන්වා අවවාද කිරීමක් හෝ කරනු ලබන්නේදැයි මාධ්ය විමසා සිටියේය.
ඒ අවස්ථාවේ දී කැබිනට් මාධ්ය ප්රකාශකවරයා කීවේ ඒ සම්බන්ධව මේ අවස්ථාවේ දී ප්රකාශයක් නොකරන බවය.
නමුත් විශාකපට්නම්හි පැවති නාවික හමුදා අභ්යාසයට ශ්රී ලංකාවත් සහභාගී වුන බවත් එවැනි අවස්ථාවක දී සිය කලාපයට පැමිණි විදේශ නාවික හමුදාවන් නියෝජනය කරන සමකාලීන නාවික හමුදාපතිවරුන්ගෙන් මෙවැනි වාචික ඉල්ලීමක් කිරීම සාමාන්ය පිළිගත් සම්ප්රදායක් බවත්ය.
ලොව ඕනෑම තැනක දී මෙවැනි අචාරවිධි සම්ප්රදායක් පැවැත්වෙන බව ඔහු පෙන්වා දුන්නේය. එවැනි ආරාධනාවක් ක්රියාත්මක වන්නේ නම් එය සිදුවන්නේ රාජ්ය තාන්ත්රික ගනුදෙනුවක් ලෙස බව කී ඇමතිවරයා මෙවැනි අවස්ථාවලදී සිදුවන ක්රියාපිළිවෙළ සම්බන්ධව ලෝකයේ රාජ්ය තාන්ත්රිකයින් දන්නා බව ද අවධාරණය කළේය.
මේ ලිපියත් කියවන්න…
