FIFA ලෝක කුසලාන 2022 හෙට (20) කටාර්හි දී ආරම්භ වේ. හෙට සිට දෙසැම්බර් 18 දක්වා තරගාවලිය පැවැත්වේ. ශ්රී ලංකාවේ රසිකයන්ට එම පාපන්දු තරග රූපවාහිනියෙන් සජීවීව නැරඹිය හැකිය.
2022 කටාර් FIFA ලෝක කුසලානය සඳහා ඛාණ්ඩ අටකින් කණ්ඩායම් 32 ක් තරඟ වදිනු ඇත.
එම කණ්ඩායම් වන්නේ සත්කාරක කටාර්, ඉක්වදෝරය, සෙනගල්, නෙදර්ලන්තය, එංගලන්තය, ඉරානය, ඇමරිකා එක්සත් ජනපදය, වේල්ස්, ආර්ජන්ටිනාව, සෞදි අරාබිය, මෙක්සිකෝව, පෝලන්තය, ප්රංශය, ඕස්ට්රේලියාව, ඩෙන්මාර්කය, ටියුනීසියාව, ස්පාඤ්ඤය, කොස්ටාරිකාව, ජර්මනිය, ජපානය, බෙල්ජියම, කැනඩාව , මොරොක්කෝව, ක්රොඒෂියාව, බ්රසීලය, සර්බියාව, ස්විට්සර්ලන්තය, කැමරූන්, පෘතුගාලය, ඝානාව, උරුගුවේ සහ දකුණු කොරියාවය. රුසියාවේ පැවති 2018 FIFA ලෝක කුසලානය ජයග්රහණය කළ ප්රංශය වත්මන් පා පන්දු ලෝක ශූරයන් වේ.
මැදපෙරදිග රටක් FIFA ලෝක කුසලානයට සත්කාරකත්වය සපයන පළමු අවස්ථාව මෙයය. එහි ප්රතිඵලයක් ලෙස, ජූනි-ජූලි මාසවල සාමාන්ය පවත්වන තරගාවලිය සම්මත කාල රාමුවෙන් පිටත පවත්වනු ලැබේ. ගිම්හානයේදී කටාර්හි ඉහළ යන උෂ්ණත්වය මගහැරගැනීම ගැනීම සඳහා මෙම වෙනස සිදුකර ඇත.
64 වැනි FIFA ලෝක කුසලාන 2022 තරඟ සඳහා කටාරය පුරා ක්රීඩාංගණ අටක් භාවිතා කරනු ඇත.
තරගාවලියේ ආරම්භය සත්කාරක කටාරය ඉක්වදෝරය සමඟ අල් කෝර් හි අල් බයිට් ක්රීඩාංගණයේදී සනිටුහන් කරනු ඇත. තරගය ශ්රී ලංකා වේලාවෙන් රාත්රී 9:30 ට ආරම්භ වේ.
ලංකාවේ නරඹන ආකාරය
- දේශීය රූපවාහිනිය – ශ්රී ලංකා රූපවාහිනිය
- Dialog TV – නාලිකාව 01
- Peo TV – නාලිකාව 20
