පසුගිය 2025 වසරේ පළමු මාස නවය තුළ සේවක අර්ථසාධක අරමුදල් (EPF) දායක මුදල් ගෙවීම පැහැර හැර ඇති සේවා යෝජකයින්ගෙන් රුපියල් මිලියන 1638ක මුදලක් අය කර ගැනීමට කම්කරු අමාත්යාංශය පියවර ගෙන තිබේ.
එම කාල සීමාව තුළ දායක මුදල් ගෙවීම් පැහැර හැර තිබූ ආයතන වෙත පළමු සහ අවසන් නිවේදන 17,482ක් යැවීමට කම්කරු දෙපාර්තමේන්තුව කටයුතු කර ඇත. එහිදී දායක මුදල් පැහැර හරිනු ලැබූ සේවා යෝජකයින් වෙත යවා ඇති පළමු නිවේදන සංඛ්යාව 8,075කි. එම නිවේදන මගින් පමණක් රුපියල් මිලියන 916ක මුදලක් අය කර ගෙන තිබේ.
මීට අමතරව, සේවා යෝජකයින් වෙත අවසන් නිවේදන 9,407ක් යවා ඇති අතර, එමගින් රුපියල් මිලියන 722ක මුදලක් අය කර ගෙන ඇති බව කම්කරු අමාත්යාංශය වැඩිදුරටත් සඳහන් කරයි.
එමෙන්ම, 2025 වසරේ පළමු මාස නවය තුළ සේවක අර්ථසාධක අරමුදලේ ප්රතිලාභ ගෙවීම් සිදු කිරීම සඳහා කම්කරු දෙපාර්තමේන්තුව විසින් තීරණ ලිපි 107,588ක් ද නිකුත් කර තිබේ
