දැඩි ආරක්ෂක විධි විධාන තරකර සහ රටේ තැනින් තැන මතුවූ විරෝධතා මතුවෙමින් පවතිද්දී ජනාධිපතිවරයාගේ ප්රධානත්වයෙන් පැවැත්වුන 75 වැනි නිදහස් සමරු උළෙල ගෝල්ෆේස් පිටියේ දී මීට ස්වල්ප වෙලාවකට පෙර නිමාවට පත් විය.
කාලතුවක්කු වෙඩි මුර, ගුවනින් මුහුදෙන් සහ ගොඩබිමෙන් පැවැත්වූ ජනාධිපති උත්තමාචාර සහිත ත්රිවිධ හමුදා, පොලිස් ඇතුළු ආරක්ෂක අංශවල පෙළපාළි, පැරෂුට් සංදර්ශන සහිතව පැවැත්වූ නිදහස් දින සමරු උළෙල උත්කර්ෂවත් අන්දමින් පැවැත්විනි.
අද පෙරවරු 8.25 ට ජනාධිපති රනිල් වික්රමසිංහ එම ස්ථානයට පැමිණීමෙන්න අනතුරුව සමරු උළෙල ආරම්භ විය.
ජනාධිපතිවරයා සහ ඔහුගේ බිරිය පිළිගනු ලැබුවේ අග්රාමාත්ය දිනේෂ් ගුණවර්ධන සහ රාජ්ය පරිපාලන අමාත්යාංශ ලේකම් නීල් හපුහින්න විසිනි.
ජනාධිපති රනිල් වික්රමසිංහ සිය ධුරයට පත්වීමෙන් පසු පැවැත්වෙන පළමු නිදහස් සැමරුම් උළෙල මෙය විය.
අග්රාමාත්ය දිනේෂ් ගුණවර්ධන, ආරක්ෂක ලේකම්වරයා, ත්රිවිධ හමුදා ප්රධානීන්, විදෙස් රාජ තාන්ත්රිකයින්, තානාපතිවරුන්, ආගමික නායකයින්, මැති ඇමතිවරුන් මෙන්ම රාජ්ය නිලධාරීන් රැසක්ද මෙම අවස්ථාවට එක්ව සිටියහ.
විපක්ෂ නායකවරයාත්, විපක්ෂයේ ඇතැම් දේශපාලන පක්ෂත්, කතෝලික සභාවත්, නිදහස් දින උළෙල වර්ජනය කර තිබිණි.
රටේ දැඩි ආර්ථික අර්බුදයක් ඇති අවස්ථාවේ මිලියන 200කට වැඩි වියදම් දරමින් සිදුකළ මෙම උත්සවයට විරෝධතා දැක්වූ විරෝධතාකරුවන්ගේ විරෝධතා වැළැක්වීමට පොලිසිය විසින් කොටුව මහේස්ත්රාත් අධිකරණයෙන් අධිකරණ නියෝගයක් ගෙන තිබිණි.
එම අධිකරණ නියෝගය කඩ කළ බව පවසා එල්ෆින්සට්න් රඟහල අසල “නිදහස සත්යග්රහයේ” යෙදී සිටි පිරිසකට පොලිසිය විසින් ඊයේ රාත්රියේ කඳුළු ගෑස් ප්රහාරයක් එල්ල කර පළවා හරිනු ලැබුවේය. හතර දෙනෙක් පොලිස් අත්අඩංගුවට පත් වූයේය.
අධිකරණ නියෝග පිළිපදිමින් තම විරෝධතාවයන් අද දවස පුරාම පවත්වන බව අන්තර්විශ්වවිද්යාල ශිෂ්ය බල මණ්ඩලය මේ අතර ප්රකාශ කරයි. අද දවහල් 1ට ජයවර්ධනපුර සරසවිය අසල විරෝධතා ව්යාපාරයක් පැවැත්වීමට ශිෂ්ය ක්රියාකාරීහු සැලසුම් කරමින් සිටිති.
